պետական և ազգային տոնակատարությունները)։ Ժամանակային կտրվածքով
ներկայացվում է Լոզանի օրվա տոնակատարությունների միջոցով Ինոնյուի
անձի պաշտամունքի կառուցարկման գործընթացը։ Այս ենթագլուխն
ավարտվում է Ինոնյուի պաշտամունքի կառուցարկման այն դրսևորումների
դիտարկմամբ, որոնք պայմանավորված էին թուրք հասարակության արխաիկ
մտածողությամբ։
«Ինոնյուի հիմնական կերպարները» վերնագիրը կրող երրորդ
ենթագլուխը համառոտ ամփոփում է Ինոնյուի այն հիմնական կերպարները,
որոնք առկա էին նրա անձի պաշտամունքում։ Դրանք են. Աթաթյուրքի
մերձավոր ընկեր և ժառանգ, Լոզանի և խաղաղության հերոս, հերոս-
զորահրամանատար, «ժողովրդի մարդ», արդիականացման խորհրդանիշ։
Երրորդ գլխի չորրորդ ենթագլուխը կրում է ««Ազգային շեֆի»
շրջանում Աթաթյուրքի կերպարն ու պաշտամունքը» վերնագիրը։ Այս
ենթագլխում ուսումնասիրվում է Աթաթյուրքի հետմահու պաշտամունքի
օգտագործումը Ինոնյուի իշխանության օրոք։ Ներկայացվում են Աթաթյուրքի
պաշտամունքը սահմանափակելու և վերահսկողության տակ պահելու
դրսևորումները։
Համեմատություն
է
անցկացվում
Աթաթյուրք-Ինոնյու
պաշտամունքների և սոցիալիստական՝ Լենին-Ստալին պաշտամունքների միջև։
Երրորդ գլխի վերջին՝ հինգերորդ ենթագլխում, որը վերնագրված է
«Ինոնյուի
կերպարի
կերպարանափոխությունը
1945թ.
հետո»,
ուսումնասիրված են Ինոնյույի պաշտամունքի դրսևորումները 1945թ. սկսված
հարաբերական ժողովրդավարացման պայմաններում։ Ցույց է տրվում Ինոնյուի
խարիզմայի կառուցարկման և պաշտամունքի շարունակականությունը մինչև
վերջինիս նախագահության ավարտը։ Փաստարկվում է Ինոնյուի անմիջական
մասնակցությունը
իր
պաշտամունքի
կառուցարկման
գործընթացին։
Ներկայացված
են
Ինոնյուի
պաշտամունքի
կերպարանափոխության
դրսևորումները որպես ընդդիմության առաջնորդ։
Եզրակացություն բաժնում ամփոփվել են ատենախոսության հիմնա-
կան եզրահանգումները.
•
Թուրքիայի Հանրապետության քաղաքական և հասարակական
համակարգը ուսումնասիրելու համար Թուրքիայի սոցիալ-մշակութային
դինամիկայի
հետազոտությունը
ունի
առանցքային
կարևորություն։
Հասարակության սոցիալ-մշակութային դինամիկան զգալի չափով որոշում է
պետության ներքին և արտաքին քաղաքական զարգացումների հարացույցերը։
Թուրքիայի պարագայում սոցիալ-մշակութային դինամիկան գերազանցապես
պայմանավորված է ավանդական հասարակության արդիականացման
նախագծերով։
•
Թուրքիայի Հանրապետության արդիականացման նախագիծը սկսվել
էր
դեռևս
Օսմանյան
կայսրությունում։
Թուրքական
ավանդական
հասարակության արդիականացումը պայմանավորված էր նոր օսմանների և
19