Myndir mánaðarins Ágúst 2018 tbl. 295 Bíóhluti | Page 28

Kin
Samstaðan er allt
Kvikmyndaáhugafólk sem kann að meta vísindaskáldsögur á
von á góðu í lok ágúst þegar Kin kemur í bíó en þar er á ferð-
inni saga sem er ekki öll þar sem hún kann að sýnast í fyrstu.
Kin segir frá ungum ættleiddum dreng, Eli, sem í leit að málmum
sem hann getur notað rekst fyrir tilviljun á einhvers konar frosinn
neðanjarðarklefa sem er fullur af líkömum vera sem virðast ekki af
þessum heimi. Þar finnur hann einnig einhvers konar byssu sem lítur
út fyrir að vera framtíðarútgáfa af riffli. Þegar eitt af „líkunum“ byrjar
skyndilega að hreyfa sig flýr Eli af staðnum en tekur byssuna með.
Eldri stjúpbróðir Elis, Jimmy, er nýkominn úr fangelsi eftir að hafa
afplánað sex ára dóm fyrir vopnað rán. Hann er staðráðinn í að snúa
baki við glæpum en á við þann vanda að stríða að glæpaforinginn
Taylor telur hann skulda sér 25 þúsund dollara og krefst þess að fá
þá borgaða ekki mikið seinna en strax. Við því getur Jimmy ekki
orðið, en þegar Taylor og menn hans búa sig undir að berja hann til
óbóta birtist Eli með byssuna og skýtur af henni í fyrsta skipti. Í ljós
kemur að byssan er miklu meira en byssa, hún er sannkallað ger-
eyðingarvopn sem má alls ekki falla í hendur manna eins og Taylors.
Þeir Eli og Jimmy leggja á flótta ásamt dansaranum Milly sem hafði
unnið hjá Taylor og áður en þau vita af er lögreglan komin á hæla
þeirra líka. Staðan virðist vonlaus og ekki batnar hún þegar verurnar
sem eiga byssuna mæta á svæðið. En hér er ekki allt sem sýnist ...
Kin
Spennumynd / Vísindaskáldsaga
102
mín
Aðalhlutverk: Myles Truitt, Jack Reynor, Zoë Kravitz, Dennis Quaid,
Carrie Coon og Mark O'Brien Leikstjórn: Jonathan og Josh Baker
Bíó: Sambióin Álfabakka, Egilshöll, Kringlunni, Akureyri og Keflavík,
Bíóhúsið Selfossi, Ísafjarðarbíó, Eyjabíó og Bíóhöllin Akranesi
Þremenningarnir sem neyðast til að leggja á flótta eru dansmærin Milly,
og stjúpbræðurnir Jimmy og Eli. Þau eru leikin af Zoë Kravitz, írska leikar-
anum Jack Reynor og nýstirninu Myles Truitt sem spáð er miklum frama .
Frumsýnd 31. ágúst
Punktar ....................................................
Kin er fyrsta bíómynd bræðranna Jonathans og Josh Baker en þeir
höfðu áður vakið mikla athygli með kraftmiklum stuttmyndum sín-
um og er Kin byggð á einni þeirra, Bag Man, sem þeir gerðu 2014.
l
Dennis Quaid leikur Hal sem ásamt eiginkonu sinni ættleiddi Eli,
en fyrir áttu þau eldri son, Jimmy, sem fetaði síðan veg afbrota.
Veistu svarið?
Vísindaskáldsögur hafa alltaf verið vinsælt viðfangs-
efni kvikmyndagerðarmanna, svo að segja frá
upphafi. En hver er almennt talin fyrsta Sci-Fi kvik-
mynd kvikmyndaögunnar og Martin Scorsese fjall-
aði óbeint um í mynd sinni Hugo árið 2011?
Le Voyage dans la Lune sem Georges Méliès gerði árið 1902.
28
Myndir mánaðarins
James Franco leikur glæpakónginn Taylor sem vil óður og uppvægur
koma höndum yfir byssuna sem Eli fann og hefna sín á honum um leið.