Myndir mánaðarins Ágúst 2018 tbl. 295 Bíóhluti | Page 20

Mile 22 Að duga eða drepast Þeir sem kunna að meta góðar bardaga- og hasarmyndir eiga von á góðu þann 15. ágúst þegar Mile 22 með Mark Wahlberg í aðalhlutverki kemur í bíó. Sýnishornin og stiklurnar úr henni hafa verið frábærar og gefa til kynna að um toppmynd sé að ræða þar sem hvergi er slakað á frá upphafi til enda. Myndin er eftir Peter Berg (Patriots Day, Deepwater Horizon, Lone Survivor, Battleship, Hancock) og segir frá sérsveitarmanninum James Silva (Mark Wahlberg) sem fær það erfiða og vandasama verkefni að smygla asískum lögreglumanni úr landi sínu, en sá hafði leitað til bandaríska sendiráðsins um vernd þar sem hann býr yfir leynilegum upplýsingum sem tengjast eiturvopnaframleiðslu og höfðu aflað honum dauðadóms hjá eigin stjórnvöldum. Verkefnið virðist nánast óframkvæmanlegt því sendiráðið er umkringt þung- vopnuðum farartækjum og mönnum sem hefur verið fyrirskipað að fanga eða drepa flóttamanninn um leið og hann reynir að yfirgefa sendiráðið. En James leggur samt í hann ásamt sínu fólki og veit sem er að til að verkefnið heppnist má hann ekki gera ein einustu mistök ... Mile 22 Spenna / Hasar 113 Mark Wahlberg leikur hinn glerharða leyniþjónustumann James Silva sem er sérfræðingur í að framkvæma erfiðustu verkefnin. mín Aðalhlutverk: Mark Wahlberg, Iko Uwais, Ronda Rousey, Lauren Cohan, John Malkovich, Terry Kinney, Sam Medina og Poorna Jagannathan Leikstjórn: Peter Berg Bíó: Laugarásbíó, Smárabíó, Háskólabíó, Sambíóið Keflavík og Borgarbíó Akureyri Punktar .................................................... Mile 22 er fjórða myndin eftir Peter Berg sem Mark Wahlberg leikur aðalhlutverkið í en þeir eru einnig aðalframleiðendur hennar ásamt Stephen Levinson sem m.a. framleiddi Entourage- og Board- walk Empire-þættina. Þess má geta að þegar hefur verið ákveðið að gera aðra mynd um ævintýri James Silva, en hlutverk hans var skrifað sérstaklega með Mark Wahlberg í huga og eftir hans höfði. l Frumsýnd 15. ágúst Sagan í Mile 22 gerist í landi í Suður-Asíu en ekki er nánar tiltekið hvaða land er um að ræða. Hins vegar voru öll atriðin sem eiga að gerast þar tekin upp í Bógóta í Kólumbíu og þar um kring. l Asíski flóttamaðurinn sem James þarf að smygla úr landi er leikinn af einum besta bardagalistamanni heims um þessar mundir, Iko Uwais. Veistu svarið? John Malkovich, sem leikur stórt hlutverk í Mile 22, á fjörutíu ára leiklistarafmæli á þessu ári en hann birtist fyrst í bíómyndinni A Wedding eftir Robert Altman árið 1978. En frá hvaða Evrópulandi var faðir hans og öll hans föðurfjölskylda? Bardagalistakonan og hnefaleikameistarinn Ronda Rousey fer hér með sitt stærsta hlutverk í bíómynd til þessa en hún hefur áður leikið í myndunum The Expendables 3, Fast & Furious 7 og Entourage. Króatíu. 20 Myndir mánaðarins