Myndir mánaðarins Ágúst 2017 tbl. 283 bíóhlutihluti | Page 6
Bíófréttir – Væntanlegt
Okkur urðu á þau mistök í síðasta
blaði að segja að nýjasta mynd
Stevens Spielberg héti The Post,
en það heiti höfðum við eftir
ónefndri erlendri vefsíðu. Hið rétta
er að myndin heitir The Papers og
leiðréttist það hér með.
En talandi um Steven Spielberg
og hans nýjustu mynd þá verðum
við auðvitað að geta þess að
þann 24. júlí var fyrsta stiklan úr
næstnýjustu mynd hans frumsýnd,
þ.e. úr myndinni Ready Player
One sem hann leikstýrði áður en
hann tók til við að leikstýra The
Papers sem þrátt fyrir það verður
frumsýnd á undan. Ástæðan er sú
að Ready Player One, sem er byggð
á samnefndri framtíðarskáldsögu
Ernest Cline, gerist að stærstum
hluta í tölvuleikjaveröldinni Oasis
og er því að mestu leyti tölvu-
teiknuð þótt í henni sé líka að finna
leikin atriði í bland við brellurnar.
Það þýðir auðvitað að eftirvinnsla
hennar tekur miklu lengri tíma en
The Papers sem er hefðbundnari
mynd. Við munum að sjálfsögðu
fjalla nánar um Ready Player One
síðar en viljum þangað til hvetja
alla sem gaman hafa af ævintýrum
og brellum að kíkja á stikluna. Hún
er ansi mögnuð og viðburðarík!
Um miðbik júlí var fyrsta stiklan
úr myndinni Alpha frumsýnd, en
hún er eftir Albert Hughes, annan
Hughes-bræðranna sem gerðu
m.a. myndirnar Menace II Society,
Dead Presidents, From Hell og The
Book of Eli. Alpha gerist á síðustu
ísöld og segir frá ungum manni,
sem eftir að hafa verið talinn af og
yfirgefinn af ættbálki sínum nær að
6
Myndir mánaðarins
staulast á fætur á ný, illa slasaður.
Hefst þá leit hans að leiðinni heim
og í þeirri leit vingast hann við
úlf sem þar með verður forfaðir
allra þeirra hundategunda sem
við þekkjum í dag. Með hlutverk
piltsins fer Kodi Smit-McPhee og
það er enginn annar en Jóhannes
Haukur Jóhannesson sem leikur
föður hans. Stiklan er mjög góð, en
myndin verður ekki frumsýnd fyrr
en í mars á næsta ári.
Marvel-fyrirtækið frumsýndi í lok
júlí nýtt plakat næstu myndar um
þrumuguðinn Þór, Ragnarök og
er óhætt að segja að aðdáendur
hafi margir hverjir tekið andköf af
hrifningu, enda plakatið ákaflega
litríkt og flott eins og sjá má hér
fyrir ofan. Um leið var ný stikla
úr myndinni frumsýnd og er
alveg óhætt