Myndir mánaðarins Ágúst 2017 tbl. 283 bíóhlutihluti | Page 18
The Dark Tower
Turninn má ekki falla
Kvikmyndin The Dark Tower er byggð á geysivinsælli bókaseríu
eftir rithöfundinn kunna, Stephen King, sem aftur sótti inn-
blásturinn að sögunum í ljóð Roberts Browning, Childe Roland
to the Dark Tower Came, Hringadróttinssögu Tolkiens og spag-
hettívestra Sergios Leone, auk þess að sækja ýmislegt í þjóð-
sögurnar um Artúr konung og riddara hringborðsins.
The Dark Tower er viðamikið ævintýri um leit síðasta „byssumanns-
ins“ Rolands Deschain að „Myrka turninum“ en það hugtak lýsir
bæði raunverulegum turni og er jafnframt myndlíking, en turninn
er ekki bara bygging heldur einnig hjartað og miðjan í þeirri veröld
(eða veröldum) sem sagan gerist í. Falli þessi turn, falla allar veraldir
að okkar veröld meðtalinni, og það er einmitt það sem byssu-
maðurinn vill koma í veg fyrir. Til þess þarf hann að tortíma „mann-
inum í svörtu“ sem leitar einnig Myrka turnsins til að eyðileggja
hann svo hið illa (eða dauðinn) öðlist öll völd til eilífðar.
The Dark Tower
Matthew McConaughey leikur manninn í svörtu, útsendara hins illa
og erkióvin Rolands Deschain, öðru nafni byssumaðurinn (Idris Elba),
sem reynir að koma í veg fyrir að sá svartklæddi nái að finna og fella
Myrka turninn og þar með allar veraldir alheims – þ.m.t. okkar.
Ævintýri
95
mín
Aðalhlutverk: Idris Elba, Matthew McConaughey, Tom Taylor,
Katheryn Winnick, Jackie Earle Haley, Abbey Lee, Michael Barbieri og
Dennis Haysbert Leikstjórn: Nikolaj Arcel Bíó: Smárabíó, Háskólabíó,
Laugarásbíó, Borgarbíó Akureyri, Selfossbíó, Skjaldborgarbíó,
Ísafjarðarbíó, Króksbíó, Bíóhöllin Akranesi og Eyjabíó
Frumsýnd 2. ágúst
Tom Taylor leikur hinn unga Jake Chambers sem dregst inn í
atburðarásina, fyrst sem áhorfandi en síðan sem þátttakandi.
Veistu svarið?
Leikstjóri The Dark Tower er Daninn Nikolaj Arcel,
en síðasta mynd hans sópaði til sín dönsku kvik-
myndaverðlaununum og var tilnefnd til bæði
Golden Globe- og Óskarsverðlauna 2013 sem besta
erlenda myndin. Um hvaða mynd er að ræða?
En kongelig affære (A Royal Affair).
18
Myndir mánaðarins
Punktar ....................................................
The Dark Tower-serían telur átta bækur og kom
sú fyrsta, The Gunslinger, út árið 1982. Önnur,
bókin, The Drawing of the Three, kom svo út árið
1987 og síðan bækurnar The Waste Lands árið
1991, Wizard and Glass árið 1997, Wolves of the
Calla árið 2003, Song of Susannah og The Dark
Tower árið 2004 og síðan bókin The Wind Through
the Keyhole árið 2012. Þess utan má finna margar
tilvísanir í sögusvið seríunnar í öðrum bókum
Stephens King auk teiknimyndablaða. Þeim sem hafa ekki lesið
þessar sögur en langar að kynna sér þær betur er bent á að skoða
heimasíðuna stephenking.com/darktower. Þess ber þó að geta að
sagan í myndinni er sjálfstæð þótt hún sé byggð á bókaseríunni.
l