Myndir mánaðarins Október 2018 tbl. 297 Bíóhluti | Page 6
Bíófréttir – Væntanlegt
Ein umtalaðasta myndin í september vestur í Hollywood og víðar
er án vafa mynd Bradleys Cooper, A Star Is Born. Myndin, sem fer í
almenna dreifingu í október og verður t.d. frumsýnd hér á landi 5.
október, hefur verið sýnd á kvikmyndahátíðum og það er skemmst
frá því að segja að hvorki gagnrýnendur né almennir áhorfendur
hafa haldið vatni af hrifningu. Við vissum það auðvitað fyrir að sagan
væri góð og hjartnæm, enda búið að kvikmynda hana þrisvar sinnum
áður, en það er mál manna að Bradley hafi samt sem áður tekist að
gæða hana nýju lífi. Meðfylgjandi mynd var tekin af þeim Bradley og
Lady Gaga á kvikmyndahátíðinni í Feneyjum þar sem áhorfendur
stóðu upp að sýningu lokinni og klöppuðu fyrir þeim í tíu mínútur. Hér má sjá þau Claire Foy og Ryan Gosling sitja fyrir svörum á kvik-
myndahátíðinni í Toronto 11. september þar sem kvikmyndin First
Man var sýnd. Í henni leika þau hjónin Janet og Neil Armstrong, en
Neil var eins og flestir vita fyrsti maðurinn til að stíga á tunglið. Fjallar
myndin um þá tunglferð en ekki síður um undirbúninginn að ferðinni
og sjónarhorn Janetar sem gat auðvitað ekki verið viss frekar en aðrir
hvort ferðin myndi heppnast, enda hafði svona ferð aldrei verið farin
áður. First Man hefur hlotið afar góða dóma bæði gagnrýnenda og
almennra áhorfenda sem látið hafa álit sitt í ljós á netinu, en leikstjóri
hennar er Damien Chazelle sem gerði La La Land og Whiplash.
Þessi mynd var tekin af Tom Hardy í Zaryadye-garðinum í Moskvu
á dögunum þar sem hann og aðstandendur myndarinnar Venom
ákváðu að hefja kynningarherferð sína á myndinni. Síðan þá hefur
Tom svo ferðast um allan heim til að vera viðstaddur forsýningar á
myndinni og heilsa upp á bæði eigin aðdáendur svo og aðdáendur
Marvel-ofurhetjumyndanna, en Venom er fyrsta myndin í nýjum ofur-
hetjuheimi Marvel sem gerður verður í samvinnu við Sony-kvik-
myndarisann á næstu árum. Nú bíða menn spenntir eftir að sjá hvaða
viðtökur Venom fær í kvikmyndahúsum og vonandi verða þær góðar. Þær Blake Lively og Anna Kendrick hafa einnig verið uppteknar á
undanförnum vikum við að ferðast og kynna myndina A Simple Favor
þar sem þær leika aðalhlutverkin en myndin, sem er í leikstjórn Pauls
Feig (Bridesmaids, The Heat, Spy), er gerð eftir samnefndri skáldsögu
Darcey Bell. A Simple Favor hefur hlotið mjög góða dóma, sérstaklega
hjá þeim stóra hópi kvi