Myndir mánaðarins Október 2018 tbl. 297 Bíóhluti | Page 24
Grami göldrótti
Ævintýri í töfraveröld
Terry er unglingspiltur sem hefur alist upp hjá ömmu sinni í
London þar sem hún rekur skemmtigarð. Þegar fjárhagsörð-
ugleikar eru við það að setja skemmtigarðinn á hausinn gerist
nokkuð óvænt og Terry er fyrir töfra fluttur yfir í ævintýraheim
þar sem hann fær það verkefni að bjarga prinsessu og stöðva
hinn göldrótta Grama, en hann hefur ákveðið að banna alla
hamingju í veröldinni. Það má honum auðvitað ekki takast!
Grami göldrótti er eldfjörug og fyndin teiknimynd eftir Andrés
Couturier sem sækir bæði karakterana og innblásturinn að sögunni
í teiknimyndaseríu sem gerði það gott á sjöunda áratug síðustu
aldar í bandarísku sjónvarpi og nefndist Here Comes the Grump.
Grami galdrakarl er ekki alvondur þótt flestir hræðist hann. Honum
er bara meinilla við að þeir sem búa í ríki hans séu hamingjusamir
og hefur því alfarið bannað hamingjuna með göldrum. Við það er
prinsessan Dögun ekki sátt og grípur það því fegins hendi þegar
Terry birtist skyndilega úr mannheimum að fá hann í lið með sér
við að eyða álögum Grama. Um leið þarf Terry að finna sem fyrst
leiðina heim aftur þar sem skemmtigarðurinn bíður hans!
Grami göldrótti
Teiknimynd
97
mín
Íslensk talsetning: Hjalti Rúnar Jónsson, Vaka Vigfúsdóttir, Álfrún
Helga Örnólfsdóttir, Selma Björnsdóttir, Orri Huginn Ágústsson, Eyþór
Ingi Gunnlaugsson, Hjálmar Hjálmarsson, Steinn Ármann Magnússon
og Þórhallur Sigurðsson Leikstjórn: Tómas Freyr Hjaltason
Bíó: Laugarásbíó, Smárabíó, Háskólabíó og Borgarbíó Akureyri
Frumsýnd 12. október
24
Myndir mánaðarins