Myndir mánaðarins Október 2018 tbl. 297 Bíóhluti | Page 23
Undir halastjörnu
Saga um glæp
Kvikmyndin Undir halastjörnu sækir innblásturinn í líkfundar-
málið svokallaða sem vakti gríðarlega athygli árið 2004, en
það hófst þann 4. febrúar sama ár þegar kafari sem var að
kanna skemmdir á bryggjumannvirkjum á Neskaupstað fann
sundurskorið lík af karlmanni sem hafði verið kastað í sjóinn.
Um leið hófst ein umfangsmesta lögreglurannsókn ársins sem
leiddi um síðir í ljós að sannleikur málsins var lyginni líkastur.
Undir halastjörnu er fyrsta bíómyndin sem Ari Alexander Ergis
Magnússon gerir en hann á m.a. að baki heimildarmyndirnar Synd-
ir feðranna og Gargandi snilld. Stiklan úr myndinni gefur góða von
um að hér sé um hörkumynd að ræða sem vonandi allt íslenskt
kvikmyndaáhugafólk mun sjá, en hún verður frumsýnd 12. okt óber.
Undir halastjörnu, sem ber alþjóðlega titilinn Mihkel, er framleidd
af Friðriki Þór Friðrikssyni, Kristni Þórðarsyni, Leifi B. Dagfinnssyni
og leikstjóranum Ara Alexander sem jafnframt skrifaði handritið.
Undir halastjörnu
Spenna / Sakamál
101
mín
Aðalhlutverk: Tómas Lemarquis, Atli Rafn Sigurðarson, Kaspar
Velberg, Paaru Oja, Ingvar E. Sigurðsson og Zlatko Buric
Leikstjórn: Ari Alexander Ergis Magnússon Bíó: Smárabíó,
Háskólabíó, Laugarásbíó og Borgarbíó Akureyri
Tómas Lemarquis og Atli Rafn Sigurðarson í hlutverkum sínum sem
Bóbó og Jóhann í spennu- og sakamálamyndinni Undir halastjörnu.
Frumsýnd 12. október
Á efri myndinni er Kaspar Velberg í hlutverki sínu sem Igor en á
meðal annarra leikara er Ingvar E. Sigurðsson sem leikur Skúla.
Myndir mánaðarins
23