Myndir mánaðarins Október 2018 tbl. 297 Bíóhluti | Page 13
Væntanlegt í nóvember
Eftir að kvikmyndaveislu októbermánaðar lýkur tekur nóvember-
veislan við þar sem kvikmyndaáhugafólki verður boðið upp á fjöl-
breytt úrval nýrra mynda. Við rennum hér yfir sex af þeim þrettán
myndum sem eru á dagskránni í nóvember og byrjum á einni sem
margir bíða spenntir eftir, Bohemian Rhapsody eftir Bryan Singer.
Hún segir frá bresku hljómsveitinni Queen, allt frá stofnun hennar
til þess tíma sem hún var búin að skapa sér nafn sem ein besta
og vinsælasta hljómsveit heims og er sjónum að miklu leyti
beint að söngvara hennar og andliti út á við, hinum hæfileikaríka
Freddy Mercury sem lést eins og kunnugt er langt um aldur fram í
nóvember árið 1991, aðeins 45 ára að aldri. Með hlutverk hans fer
Rami Malek en í hlutverkum þeirra Johns Deacon, Rogers Taylor
og Brians May eru þeir Joseph Mazzello, Ben Hardy og Gwilym Lee.
Rami Malek leikur Freddy Mercury í Bohemian Rhapsody og
segir orðrómurinn að hann standi sig afburðavel í hlutverkinu.
Lisbeth Salander snýr aftur í bíó í nóvember þegar nýjasta myndin
um hana og blaðamanninn Mikael Blomkvist verður frumsýnd.
Myndin er gerð eftir fjórðu bókinni um þau en hún kom út 2015 og
er eftir David Lagercrantz sem var fenginn til að halda áfram með
sögurnar um þessar persónur sem Stieg Larsson skapaði áður en
hann féll frá árið 2005. Sagan í þessari mynd gerist nokkrum árum
eftir atburðina í Loftkastalinn sem hrundi og þau Lisbeth og Mikael
hafa ekki talast við í langan tíma. Að því kemur þó auðvitað að
leiðir þeirra liggja saman á ný við rannsókn dularfulls morðs.
Með hlutverk Lisbeth í þetta sinn fer enska leikkonan Claire Foy og
í hlutverki Mikaels er nú Sverrir Guðnason sem síðast túlkaði Björn
Borg snilldarlega í myndinni Borg McEnroe. Um leikstjórnina sá hins
vegar Fede Alvarez sem sendi síðast frá sér tryllinn Don’t Breathe.
Það er Claire Foy sem leikur Lisbeth Salander að þessu sinni og í
hlutverki Mikaels Blomkvist er Íslendingurinn Sverrir Guðnason.
Myndir mánaðarins
13