Myndir mánaðarins Nóvember 2018 tbl. 298 Bíómyndir | Page 6
Bíófréttir – Væntanlegt
Það getur verið gaman að setjast niður ásamt vinum og rifja upp liðna
tíma og það er einmitt það sem þeir John Goodman, Jeff Bridges
og Steve Buscemi gerðu á dögunum ásamt blaðamanninum Harry
Smith. Umræðuefnið var að sjálfsögðu myndin The Big Lebowski eftir
Coen-bræður en hún á tuttugu ára afmæli um þessar mundir og er
af mörgum talin einhver besta mynd sem gerð hefur verið. Þar léku
þeir John, Jeff og Steve hinar eftirminnilegu persónur Walter, The
Dude og Donny og höfðu greinlega mjög gaman af að rifja upp gerð
myndarinnar, allt frá því þeir lásu handritið fyrst. Þessa endurfundi má
m.a. finna á YouTube og hvetjum við alla aðdáendur The Big Lebowski til
að hlusta á upprifjun þeirra félaga sem er bæði skemmtileg og fróðleg. Hér má sjá þau Jude Law og Blake Lively í hlutverkum sínum í mynd-
inni The Rhythm Section eftir Reed Morano en hún er ein af fjölmörgum
áhugaverðum myndum sem væntanlegar eru í kvikmyndahús á fyrsta
ársfjórðungi næsta árs. Myndin er gerð eftir samnefndri metsölubók
Marks Burnell sem einnig skrifar handritið og segir frá Stephanie Pat-
rick sem verður fyrir gríðarlegu áfalli þegar öll fjölskylda hennar ferst í
flugslysi. Gjörsamlega niðurbrotin fyllist Stephanie sjálfseyðingarhvöt
sem er næstum því búin að gera út af við hana þegar hún kemst að
því að hrap flugvélarinnar var ekki slys eins og talið hafði verið heldur
hryðjuverk. Þar með öðlast hún nýjan tilgang í lífinu: Að finna þá sem
eru ábyrgir fyrir dauða fjölskyldu hennar og láta þá gjalda fyrir það.
Queen-myndin Bohemian Rhapsody var frumsýnd í London 23. okt-
óber og að sjálfsögðu mættu þeir Brian May og Roger Taylor á svæðið
ásamt aðalleikara myndarinnar Ramy Malek sem leikur söngvarann,
píanóleikarann og laga- og textahöfundinn Freddie Mercury. Er
skemmst frá því að segja að myndin hefur hlotið frábærar móttökur
Queen-aðdáenda og er þegar þetta er skrifað komin með 8,4 í eink-
unn á Imdb.com frá tæplega 3.000 notendum. Sér í lagi þykir Ramy
fara á algjörum kostum í hlutverki Freddies og er mjög líklegur til að
sópa að sér verðlaunum fyrir það á komandi verðlaunahátíðum. Tökur á nýjustu mynd Óskarsverðlaunahafans Toms Hooper (The King’s
Speech, Les Misérables, The Danish Girl) eru nú að hefjast eða eru jafnvel
komnar í gang, en um er að ræða söngleikinn Cats eftir Andrew Lloyd
Webber sem aftur var byggður á ljóðasafni T.S. Eliot, Old Possum’s Books
of Practical Cats. Myndin, sem til stendur að frumsýna í desember á
næsta ári, mun m.a. skarta í helstu hlutverkum þeim Taylor Swift, Jenni-
fer Hudson, Idris Elba, Judi Dench, Ian McKellen og James Corden. Sam-
kvæmt orðróminum er samt ekki um beina uppfærslu söngleiksins að
ræða heldur nýja útgáfu á sögunni sem á eftir að koma á óvart.
Eftir að hafa á undanförnum tíu árum gert myndir eins og The Man
from U.N.C.L.E., King Arthur: Legend of the Sword og tvær Sherlock
Holmes-myndir auk Disney-myndarinnar Aladdin sem frumsýnd
verður í maí ætlar leikstjórinn Guy Ritchie að snúa aftur í ræturnar og
gera mynd í anda sinna fyrstu mynda, Lock, Stock and Two Smoking
Barrels og Snatch, sem frumsýndar voru 1998 og 2000. Myndin nefnist
Toff Guys og hefur Guy, sem bæði framleiðir og skrifar handritið og
söguna, þegar ráðið leikara í þrjú stærstu hlutverkin, þau Matthew
McConaughey, Kate Beckinsale og Henry Golding. Eins og gefur að
skilja hefur lítið frést af söguþræði Toff Guys, en þó það að hún fjalli
um eiturlyfjakóng í London sem hefur hug á að hætta í bransanum
og reynir að fá auðuga aðila í Bandaríkjunum til að kaupa af sér rekst-
urinn. Atburðarásin verður svo væntanlega full af óvæntum fléttum
og uppákomum. Talsvert er samt í þessa mynd því fyrst þarf Guy að
uppfylla samning um að gera þriðju Sherlock Holmes-myndina.
6
Myndir mánaðarins