Myndir mánaðarins Nóvember 2017 tbl. 286 Bíó | Page 8
Bíófréttir – Væntanlegt
ævisöguleg heldur hefst hún í
London árið 1968, þrjátíu árum
eftir að Judy sló í gegn sem Dorothy
í myndinni um Galdrakarlinn í Oz.
Judy var komin til London til að
halda tónleika og þótt hún reyndi
að láta á litlu bera fór það ekki fram
hjá nema fáum að henni leið ekki
vel þegar þarna var komið sögu,
enda lést hún nokkrum mánuðum
síðar, eða í júní 1969, 47 ára gömul.
Stiklan úr nýjustu mynd Jaumes
Collet-Serra var frumsýnd í
október, en hann gerði m.a.
myndirnar Orphan, Unknown,
Non-Stop, Run All Night og núna
síðast The Shallows. Nýja myndin
heitir The Commuter og segir frá
manni einum sem á leið til vinnu í
lest sem hann hefur tekið daglega
um langt skeið fær óvenjulegt
tilboð frá konu sem hann hefur
aldrei hitt áður en sest hjá honum
og býður honum 75 þúsund
dollara fyrir að leysa eitt verkefni.
Maðurinn, Michael, er í fyrstu lítið
spenntur en þegar hann áttar
sig á að peningarnir sem konan
býður honum eru til staðar byrjar
hann að sökkva ofan í verkefnið
uns svo er komið að annað hvort
leysir hann það eða deyr. Með
aðalhlutverkið fer Liam Neeson
og er þetta í fjórða sinn sem hann
leikur aðalhlutverkið í mynd eftir
Jaumes. The Commuter verður að
öllum líkindum frumsýnd seinni
partinn í janúar.
Þann 21. október tilkynnti leikstjór-
inn James Wan að tökum væri loks-
ins lokið á nýjustu mynd hans sem
8
Myndir mánaðarins
fjallar um ofurhetjuna og konung
Atlantis, Aquaman. Það er Jason
Momoa sem leikur kappann en
eins og flestir væntanlega vita
kemur hann í fyrsta sinn fram í
hlutverkinu í myndinni Justice
League sem verður frumsýnd 17.
nóvember. Sagan í Aquaman gerist
samt á undan atburðunum í Justice
League enda segir hún frá upphafi
þess að Arthur Curry verður að
sjávarhetjunni mögnuðu, en það er
sama nálgun og við sáum í Wonder
Woman þar sem upprunasaga
hennar var sögð þótt hún hefði
áður birst í myndinni Batman v
Superman: Dawn of Justice. Nú
tekur við öll eftirvinnsla Aquaman,
en myndina á að óbreyttu að frum-
sýna í desember á næsta ári.
Og meira af ofurhetjumyndum
því samkvæmt Paul Feige, fram-
leiðanda og forseta Marvel-teikni-
blaðarisans, er vinna við myndina
Captain Marvel vel á veg komin,
en hana á að frumsýna seinni part
ársins 2019. Brie Larson mun leika
kafteininn, eða Carol Danvers eins
og hún heitir í raun í þessari útgáfu
(það eru til nokkrar mismunandi
útgáfur), en ofurkraftar hennar
felast í gríðarlegum styrk og þoli,
orkuvörnum og hæfileika til að
draga í sig orku. Auk þess getur
hún flogið. Ekkert hefur verið látið
uppi um söguþráðinn, enda enn
verið að vinna í handritinu, en Paul
lét fylgja með að myndin yrði að
öllum líkindum undanfari fjórðu
Avengers-myndarinnar.
Áhugafólk um öðruvísi myndir,
og þá meinum við það fólk sem
hefur gaman af súrrealisma, ætti
að kíkja á stikluna úr nýjustu
mynd gríska leikstjórans Yorgos
Lanthimos sem gerði síðast hina
afar sérstöku mynd The Lobster.
Nýja myndin heitir The Killing of a
Sacred Deer, er með Colin Farrell og
Nicole Kidman í aðalhlutverkum
og hefur verið að fá alveg frábæra
dóma margra gagnrýnenda sem
sumir hverjir halda vart vatni yfir
snilldinni. Myndin segir frá lækni
einum sem neyðist til að grípa
til vægast sagt örþrifaráða þegar
einn af sjúklingum hans reynist
ekki allur þar sem hann er séður
og byrjar að ógna tilveru læknisins
á heldur óvenjulegan hátt, svo
ekki sé meira sagt. Við vitum ekki
hvort þessi mynd nær að rata í
kvikmyndahús hér á landi, en það
er aldrei að vita.
Það kannast sjálfsagt flestir
við teiknimyndirnar um þau
Dóru landkönnuð og Díegó vin
hennar sem hafa notið mikilla
vinsælda barna um allan heim
á undanförnum árum. Nýverið
var tilkynnt að til stæði að gera
mynd í fullri lengd um þau Dóru
og Díegó og sá sem stendur að
baki henni er enginn annar en
stórmyndakóngurinn Michael Bay,
eða réttara sagt fyrirtæki hans,
Platinum Dunes. Aðdáendur geta
þó verið alveg rólegir því það
eru að minnsta kosti þrjú ár í að
myndin verði tilbúin.
Í október var frumsýnd stikla
úr Disney-myndinni A Wrinkle
in Time sem verður frumsýnd í
mars og er óhætt að segja að
hún lofi góðu. Myndin er byggð á
samnefndri vísindaskáldsögu og
ævintýri bandaríska rithöfundarins
Madeleine L’Engle sem kom upp-
haflega út árið 1962 og hefur notið
mikilla vinsælda allar götur síðan.
Disney gerði sjónvarpsmynd eftir
þessari sögu árið 2003 en í þetta
sinn er öllu tjaldað til við að færa
ævintýrið á hvíta tjaldið og má
alveg búast við að myndin verði
ein af vinsælli myndum næsta árs. Í
stuttu máli þá er sagan um unga
stúlku, Meg Murry, og leit hennar
að föður sínum, vísindamanninum
Alex Murry sem hvarf sporlaust
þegar Meg var ung. Kíkið endilega
á þessa frábæru stiklu á netinu,
sérstaklega ef þið elskið ævintýri.
Áhugafólk um æsispennandi hroll-
vekjur ætti að kynna sér myndina
Winchester: The House That Ghosts
Built sem áætlað er að frumsýna í
mars á næsta ári, en hún er með
Helen Mirren og Jason Clarke í
aðalhlutverkum og er byggð á
sannsögulegum atburðum að
hluta. Höfundar eru bræðurnir
Michael og Peter Spierig, þeir
sömu og gerðu myndina Jigsaw
sem skrifað er um á bls. 16, og allt
bendir til að verði hrollvekjukóngar
næstu ára. Stiklan úr myndinni var
frumsýnd rétt áður en þetta blað
fór í prentun og er vel þess virði að
skoða, enda gefur hún góð fyrirheit.
Breski leikstjórinn Saul Dibb
mun í febrúar senda á almennan
markað sína nýjustu mynd, en hún
nefnist Journey’s End og er byggð
á leikverki Roberts Cedric Sherriff
sem skrifaði það eftir að hafa barist
fyrir Breta í fyrri heimsstyrjöldinni.
Verkið þykir eitt það áhrifamesta
sem gert hefur verið um skelfilegt
ástandið í skotgröfum þessa
hræðilega stríðs en það var fyrst
sett á svið í West End árið 1928 með
Laurence Olivier í aðalhlutverki
sem þá var aðeins 21 árs að aldri.
Leikverkið hlaut fjölmörg verðlaun
og árið 1930 gerði leikstjórinn
James Whale mynd eftir því
sem þótti stórkostleg á sínum
tíma. Það lítur út fyrir að þessi
nýja mynd sé það líka en hún
var sýnd á kvikmyndahátíðinni
í Toronto í september og fékk
frábæra dóma auk þess sem Saul
Dibb hefur auðvitað áður sent frá
sér þrjár myndir sem allar hafa
þótt mjög góðar, Bullet Boy árið
2004, The Duchess árið 2008 og
Suite Française árið 2014. Með
aðalhlutverkin fer svo stór hópur
kunnra breskra leikara og fara þar
fremstir í flokki þeir Sam Claflin,
Paul Bettany, Asa Butterfield, Toby
Jones og Tom Sturridge.