Myndir mánaðarins Nóvember 2017 tbl. 286 Bíó | Page 29
Litla vampíran
Vampírur eru ekki til, rétt? Rangt!
Teiknimyndin um litlu vampíruna er byggð á víðfrægum og
vinsælum bókum Angelu Sommer-Bodenburg sem hún hóf að
gefa út árið 1979. Sögurnar hafa í dag verið þýddar á yfir þrjá-
tíu tungumál, þ. á m. íslensku, og selst í meira en 10 milljón
eintökum auk þess að geta af sér bæði sjónvarps- og útvarps-
þætti, leikrit, kennsluefni og leikna bíómynd árið 2000.
Anton er þrettán ára gamall strákur sem er heillaður af sögum um
hina dauðu og ódauðlegu og myndi gefa mikið fyrir að hitta eins
og eina vampíru. Honum verður að ósk sinni þegar hann vingast
við jafnaldra sinn Runólf, en hann er vampíra sem býr í gömlum
kirkjugarði ásamt fjölskyldu sinni. Líf Antons breytist umsvifalaust
í ævintýri en hætta steðjar að þegar hinn ógnvekjandi vampíru-
bani Rökkfinnur mætir á svæðið, staðráðinn í að koma öllum
vampírum fyrir kattarnef í eitt skipti fyrir öll. Það má ekki takast!
Litla vampíran
Teiknimynd
83
mín
Íslensk talsetning: Hálfdán Helgi Matthíasson, Rúnar Freyr Gíslason,
Hjálmar Hjálmarsson, Tinna Hrafnsdóttir, Viktor Már Bjarnason,
Vaka Vigfúsdóttir, Þórhallur Sigurðsson, Orri Huginn Ágústsson og
Steinn Ármann Magnússon Leikstjórn: Tómas Freyr Hjaltason Bíó:
Laugarásbíó, Smárabíó, Háskólabíó, Borgarbíó Akureyri og Sambíóið
Keflavík
Frumsýnd 10. nóvember
Myndir mánaðarins
29