Myndir mánaðarins Nóvember 2017 tbl. 286 Bíó | Page 20
A Bad Moms Christmas
Dálítið kæruleysi getur ekki skaðað
Jólin nálgast með öllu sínu umstangi og undirbúningi sem
eins og margir vita, ekki síst mömmur, getur gert fólk gráhært
af stressi enda er krafan sú að ekkert megi gleymast og allt
þurfi að vera í toppstandi og skipulagt þegar hátíðin gengur í
garð. En hvað gerist ef þær Amy, Kiki og Carla ákveða að
brjóta hefðina og slá alvörunni upp í mátulegt kæruleysi?
Það muna sjálfsagt allir eftir myndinni Bad Moms sem var frumsýnd
í ágúst í fyrra og gerði það gott í kvikmyndahúsum heimsins, enda
bráðskemmtileg. Þegar upp var staðið hafði hún halað inn 184
milljónum dollara en framleiðslukostnaður við gerð hennar var 20
milljónir. Það lá því svo til strax í loftinu að framhaldsmynd yrði
gerð og hér er hún komin, aðeins fimmtán mánuðum síðar.
Eftir litlu einkauppreisnina sem vinkonurnar Amy, Kiki og Carla
gerðu í síðustu mynd gegn kröfunum sem samfélagið gerir til
mæðra um að þær standi sig í stykkinu eru að koma jól. Álagið
eykst smám saman og að því kemur að þær stöllur ákveða að slá
hlutunum upp í mátulegt kæruleysi á ný og slaka á spennunni.
En þá gerist það að mæður þeirra (Susan Sarandon, Cheryl Hines og
Christine Baranski) koma í heimsókn og þar sem þær eru af gamla
skólanum hafa þær misjafnar skoðanir á uppátækjum dætranna ...
A Bad Moms Christmas
Gamanmynd
Aðalhlutverk: Mila Kunis, Kristen Bell, Kathryn Hahn, Cheryl Hines,
Susan Sarandon, Christine Baranski, Justin Hartley, David Walton
og Jay Hernandez Leikstjórn: Jon Lucas og Scott Moore Bíó:
Laugarásbíó, Háskólabíó, Borgarbíó Akureyri og Sambíóið Keflavík
Eins og í fyrri myndinni eru það þær Kathryn Hahn, Mila Kunis
og Kristen Bell sem leika vinkonurnar Cörlu, Amy og Kiki.
Frumsýnd 3. nóvember
Punktar ....................................................
Leikstjórar myndarinnar og handritshöfundar, Jon Lucas og Scott
Moore, eru þeir sömu og gerðu fyrri myndina.
l
l
Þetta er í fyrsta sinn sem Mila Kunis leikur í framhaldsmynd.
Veistu svarið?
Höfundar Bad Moms-myndanna, Scott Moore og
Jon Lucas, eiga sem handritshöfundar að baki
nokkrar góðar myndir, þar á meðal handrit fyrstu
myndarinnar í þekktum grín-þríleik, en hún varð
gríðarlega vinsæl árið 2009. Hvaða mynd var það?
Móðir Kikiar (Cheryl Hines) hefur eins og mæður þeirra Cörlu og
Amyar sínar eigin bjargföstu skoðanir á því hvernig jólin eiga að vera.
The Hangover.
20
Myndir mánaðarins