Bíófréttir – Væntanlegt
Hrútar endurgerð
Grínhasarinn Hobbs & Shaw sem er eins og allir vita hliðar-
mynd úr Fast & Furious-seríunni verður frumsýndur 31. júlí.
Sjáumst í bíó!
Það er óhætt að segja að júlímánuður hafi verið gjöfull á góðar og
fjölbreyttar myndir í bíóhúsum landsins og þegar þetta blað kemur
út á meira að segja eftir að frumsýna eina mynd úr júlídagskránni
sem búist er við að eigi eftir að njóta mikilla vinsælda. Við erum
að sjálfsögðu að tala um Fast & Furious-myndina Hobbs & Shaw
sem frumsýnd verður 31. júlí. Hún gerist um tveimur árum eftir
atburðina í síðustu Fast & Furious-mynd og segir frá því þegar
erkióvinirnir Luke Hobbs (Dwayne Johnson) og Deckard Shaw
(Jason Statham) þurfa að leggja persónulega óvild sína hvors í
annars garð til hliðar og snúa þess í stað bökum saman í baráttu
við sameiginlegan óvin, og reyndar óvin alls mannkyns, hinn
gríðaröfluga Brixton Lore (Idris Elba). Reikna má með miklum has-
ar og mörgum áhættuatriðum, en líka ómældu gríni því þótt þeir
Hobbs og Shaw neyðist til að vinna saman nota þeir hvert tækifæri
sem gefst til að klekkja hvor á öðrum. Við sjáum hvernig það fer!
Önnur forsíðumynd blaðsins að þessu sinni er íslenska myndin
Héraðið eftir leikstjórann Grím Hákonarson sem einnig skrifaði
handritið, en þrjú ár eru liðin síðan hann sendi frá sér hina frábæru
mynd Hrúta sem sópaði til sín verðlaunum víða um heim, þ. á m.
hér á landi þegar hún hlaut ellefu Edduverðlaun af þrettán til-
nefningum. Það er því skemmtilegt að
segja frá því að í september stendur til að
frumsýna í Ástralíu þarlenda endurgerð
Hrúta sem nefnist að sjálfsögðu Rams
og er með þeim Sam Neill og Michael
Caton í hlutverkum bræðranna tveggja
sem hafa ekki talast við í 40 ár þrátt
fyrir að vera nágrannar. Með hlutverk
Kat, sama hlutverk og Charlotte Bøving
fór með í frummyndinni, fer Miranda
Richardson og um leikstjórnina sá
Jeremy Sims sem hlaut m.a. Áströlsku
kvikmyndaverðlaunin árið 2015 fyrir
handrit sitt að myndinni Last Cab to Darwin sem jafnframt var til-
nefnd sem besta ástralska mynd ársins. Það eru því engir aukvisar
sem standa að gerð myndarinnar og verður gaman að sjá hana
þegar hún rekur á fjörur okkar hér á Íslandi, hvenær sem það nú
verður. Þess má einnig geta til gamans að til stendur að gera suður-
kóreska útgáfu af Hrútum og má vænta frekari upplýsinga um þá
endurgerð í haust. Kíkið á kynninguna á Héraðinu á bls. 12.
Sam Neill leikur Colin í Rams, sama hlutverk og Sigurður
Sigurjónsson lék í upprunalegu útgáfunni (Gumma) og ...
... það er Michael Caton sem leikur bróður hans, Les, sem
Theodór Júlíusson lék á íslensku og hét þá Kiddi. Eins og sjá má
á hliðinu stendur Grímurson á því og grunar okkur að það sé til
heiðurs höfundi sögunnar, leikstjóranum Grími Hákonarsyni.
6
Myndir mánaðarins