Myndir mánaðarins MM Ágúst 2019 Bíóhluti | Page 11

The Kitchen
Gerðu það sem gera þarf
Þær Claire, Ruby og Kathy búa í hinu alræmda Hell’s Kitchen-
hverfi í New York og eru giftar gangsterum sem vinna fyrir
írsku mafíuna. Þegar eiginmenn þeirra eru nappaðir af alríkis-
lögreglunni og sendir í fangelsi ákveða konurnar að taka við
vinnu þeirra og sanna fljótlega að þær eru engir eftirbátar
þeirra í að innheimta reikninga og halda samkeppni í skefjum!
The Kitchen er mynd sem margir bíða eftir og ættu þeir hinir sömu ekki
að hafa orðið fyrir vonbrigðum með fyrstu stikluna úr henni sem er
frábær og lofar góðu. Myndin er ekki síður áhugaverð fyrir þær sakir
að í hlutverkum kvennanna þriggja sem reynast einstaklega harðar
í horn að taka þegar þær sinna „viðskiptum“ eiginmanna sinna fara
leikkonur sem hafa hingað til verið mun þekktari fyrir gamanleik en
alvarlegri hlutverk þótt þær hafi vissulega sýnt að þær séu færar í
allan sjó þegar karaktersköpun er annars vegar. The Kitchen er mynd
sem gæti hæglega komið kvikmyndaheiminum hressilega á óvart.
The Kitchen
Spenna / Glæpasaga
Eiginkonurnar þrjár, Claire, Ruby og Kathy, sem taka völdin í sínar
hendur á meðan eiginmenn þeirra sitja á bak við lás og slá eru
leiknar af Elisabeth Moss, Tiffany Haddish og Melissu McCarthy.
90
mín
Aðalhlutverk: Melissa McCarthy, Tiffany Haddish, Elisabeth Moss,
Domhnall Gleeson, Margo Martindale, Common, Bill Camp og James
Badge Dale Leikstjórn: Andrea Berloff Bíó: Sambíóin Álfabakka,
Kringlunni, Egilshöll, Akureyri og Keflavík, Bíóhúsið Selfossi,
Ísafjarðarbíó og Eyjabíó
Frumsýnd 8. ágúst
Punktar ....................................................
Sagan dregur nafn sitt af hverfi á vesturhluta-Manhattan sem löng-
um hefur verið kallað Hell’s Kitchen (einnig Clinton) og markast af
34. stræti í suðri, 59. stræti í norðri, Áttundu breiðgötu í austri og
Hudson-á í vestri. Hverfið var alræmt fyrr á árum þegar Írskir innflytj-
endur voru þar í miklum meirihluta og írska mafían réð þar ríkjum.
l
Við gerð myndarinnar var lögð rík áhersla á að endurskapa
umhverfið í Hell’s Kitchen eins og það var árið 1978.
Veistu svarið?
The Kitchen er fyrsta leikstjórnarverkefni Andreu
Berloff en hún skrifaði m.a. handrit myndanna Sleep-
less, World Trade Center, Blood Father og Straight
Outta Compton sem færði henni tilnefningu til Ósk-
arsverðlauna. Hver leikstýrði Straight Outta Compton?
Myndin er byggð á samnefndum teiknimyndasögum eftir Ollie Masters
og Ming Doyle sem komið hafa út undir merkjum Vertigo (sem er undir
regnhlíf DC Comics) síðan í ársbyrjun 2015. Þess má geta að aðrar
þekktar myndir sem gerðar hafa verið eftir Vertigo-útgáfum eru m.a.
Constantine, A History of Violence, V for Vendetta og The Fountain.
F. Gary Gray.
Myndir mánaðarins
11