Myndir mánaðarins MM September 2019 Bíóhluti | Page 6
Bíófréttir – Væntanlegt
Once Upon a Time in ... Hollywood eftir Quentin Tarantino hefur
gert það gott í ágúst og verður áfram í sýningu í september.
Sjáumst í bíó!
Ágústmánuður hefur verið með miklum ágætum hvað kvikmynda-
úrval snertir í kvikmyndahúsunum og ber þar sennilega hæst nýju
Tarantino-myndina, Once Upon a Time in ... Hollywood, sem allt
kvikmyndaáhugafólk ætti að sjá á stóru tjaldi í bíó, og íslensku
myndina Héraðið sem einnig hefur fengið frábæra dóma og á
svo sannarlega skilið góða aðsókn. Þegar þetta blað kemur út 30.
ágúst verða svo tvær síðustu myndir mánaðarins frumsýndar, þ.e.
gamanmyndin Blinded by the Light og svo spennu- og hasarmyndin
Angel Has Fallen sem er þriðja myndin um ævintýri lífvarðarins
Mikes Banning og sú besta af þeim að margra mati. Og þá eru ekki
upptaldar myndirnar Good Boys, myndin um Dóru landkönnuð,
hrollvekjan Scary Stories to Tell in the Dark, mafíumyndin The
Kitchen og teiknimynd númer tvö um reiðu fuglana og grænu
svínin, en þær voru allar frumsýndar í ágúst og eru enn í sýningu
þegar þetta blað kemur út. Þess ber að geta að fjölskyldumyndin
A Dog’s Journey sem var í ágústblaðinu og á dagskrá 30. ágúst
frestaðist um viku og verður frumsýnd 6. september.
Næsta Star Wars-mynd er níundi kafli sögunnar og jafnframt sá
síðasti í ævintýrinu sem við höfum fylgt í 42 ár, eða síðan 1977.
Fyrsta stiklan
Níundi kafli meginsögunnar í Star Wars-
ævintýrinu sem hóf göngu sína árið 1977,
eða fyrir 42 árum, verður frumsýndur 20.
desember og heitir The Rise of Skywalker.
Um leið er þetta síðasti kafli sögunnar og
hafa aðdáendur eðlilega beðið spenntir
eftir að sjá hvernig þessu mikla ævintýri
lýkur. Í ágúst var fyrst langa stiklan úr
myndinni frumsýnd og um leið og það
er ljóst að hún mun innihalda mikil átök
(lokaátök?) þá virðist hún líka ætla að verða
nokkurs konar yfirlit yfir farinn veg. Í stiklunni er nefnilega að finna
mörg myndskeið úr eldri myndum þar sem flestum af aðalpersón-
um sögunnar í gegnum árin bregður fyrir. Auðvitað gæti þetta verið
einhvers konar trix af hálfu framleiðenda, þ.e. að þessi nostalgía
sem er í stiklunni sé ekki hluti af The Rise of Skywalker heldur bara
liður í að láta hana koma okkur á óvart. Annað eins hefur nú gerst.
Enginn tími til að deyja
25. James Bond-myndin í þeirri seríu sem hófst
með myndinni Dr. No árið 1962 (þær eru 28
talsins ef allt er talið með) verður frumsýnd í
apríl á næsta ári og nú í ágúst var heiti hennar
gert heyrumkunnugt. Það er No Time to Die
og vísar sennilega til þess að í myndinni hefur
Bond dregið sig í hlé frá leyniþjónustustörfum
og hyggst hafa það rólegt það sem eftir er. Sá draumur breytist
hins vegar í andhverfu sína þegar kollegi hans hjá bandarísku
leyniþjónustunni, Felix Leitner, hefur samband við hann og vill
endilega fá hann með sér í átök við harðsnúinn glæpamann sem
komist hefur yfir einhvers konar gjöreyðingarvopn. Því getur Bond
auðvitað ekki hafnað og heldur því út á völlinn á ný sem eins og
ætíð áður er lífshættulegur í meira lagi. En Bond er ýmsu vanur!
6
Myndir mánaðarins