Myndir mánaðarins MM September 2019 Bíóhluti | Page 30
Midsommar
Látum veisluhöldin byrja
Þótt brestir séu komnir í samband þeirra Christians og
Dani ákveður hann að bjóða henni með á miðsumarshátíð í
Norður-Svíþjóð sem hann hafði upphaflega ætlað að fara á
með tveimur bestu vinum sínum en án hennar. Í ljós kemur að
„hátíðin“ er allt annars eðlis en þau hefðu getað ímyndað sér.
Midsommar er önnur mynd leikstjórans og handritshöfundarins Ara
Aster sem vakti verðskuldaða athygli í fyrra með hinni hrollköldu
mynd Hereditary sem margir telja á meðal bestu mynda ársins
2018. Hér býður hann upp á aðra hrollvekjandi veislu sem eins og
Hereditary kemur meira og meira á óvart eftir því sem á hana líður
og býður upp á sögulok sem munu seint líða þeim úr minni sem
sjá. Myndin verður frumsýnd 27. september og þeir sem kunna að
meta frumlegar, óháðar og öðruvísi myndir ættu hiklaust að mæta!
Midsommar
Ungmennin fjögur sem skella sér á miðsumarshátíðina í Norður-
Svíþjóð, Josh, Mark, Dani og Christian, eru leikin af þeim William
Jackson Harper, Will Poulter, Florence Pugh og Jack Reynor.
Ráðgáta / Tryllir
147
mín
Aðalhlutverk: Florence Pugh, Jack Reynor, William Jackson Harper,
Vilhelm Blomgren, Will Poulter, Björn Andrésen og Anna Åström
Leikstjórn: Ari Aster Bíó: Sambíóin Álfabakka, Kringlunni, Egilshöll,
Akureyri og Keflavík
Punktar ....................................................
HHHHH - Guardian HHHHH - R. Ebert HHHHH - Empire
HHHHH - Telegraph HHHHH - Time Out HHHH 1/2 - Slant
HHHH 1/2 - E. Weekly HHHH 1/2 - L.A. Times HHHH 1/2 - IGN
HHHH - CineVue HHHH - Rolling Stone HHHH - Total Film
Frumsýnd 27. september
Eins og sést á stjörnugjöfinni hefur myndin hlotið frábæra dóma
margra gagnrýnenda rétt eins og fyrri mynd Ara Aster, Hereditary, og
má öruggt telja að þeir sem kunnu að meta þá mynd munu kunna að
meta þessa. Að sama skapi má segja að hvorug myndin sé fyrir alla
áhorfendur og síst af öllu fyrir viðkvæmar sálir.
l
Veistu svarið?
Stjarna ensku leikkonunnar Florence Pugh heldur
áfram að hækka á lofti í heimi leiklistarinnar með leik
sínum í þessari mynd, en hún er önnur myndin með
henni sem gerir það gott á þessu ári. Hin myndin var
frumsýnd í febrúar. Hvaða mynd var það?
Rétt áður en Dani fer á miðsumarshátíðina fær hún hræðilegar
fréttir sem hún á erfitt með að komast yfir. Vilhelm Blomgren
og Florence Pugh í hlutverkum sínum í Midsommar.
Fighting with My Family.
30
Myndir mánaðarins