Myndir mánaðarins MM September 2019 Bíóhluti | Page 28
Rambo: Last Blood
Síðasta verkefnið?
Vonir Johns Rambo um að fara að geta tekið því rólega á fjöl-
skyldubúgarðinum fara fyrir lítið þegar ungri frænku hans er
rænt af mexíkósku glæpagengi og hann neyðist til að fara til
Mexíkó til að frelsa hana úr prísundinni áður en það er of seint.
Já, John Rambo, sem birtist fyrst á hvíta tjaldinu í myndinni First
Blood sem gerð var eftir samnefndri bók rithöfundarins Davids
Morrell, mætir aftur á svæðið 20. september í fimmtu myndinni
um hann, ellefu árum eftir að hann lét síðast á sér kræla í myndinni
Rambo árið 2008. Sú mynd fékk fína dóma og mikla aðsókn og það
má vera ljóst að þótt aldurinn sé að færast yfir hefur Rambo engu
gleymt þótt síða hárið og rauða hárbandið sé komið á hilluna ...
Þótt aldurinn sé farinn að færast yfir John Rambo hefur hann
engu gleymt og er til alls vís þegar einhver gerir á hlut hans.
Rambo: Last Blood
Spenna / Hasar
100
mín
Aðalhlutverk: Sylvester Stallone, Paz Vega, Yvette Monreal, Sergio
Peris-Mencheta, Adriana Barraza, Genie Kim, Joaquín Cosío, Óscar
Jaenada og Louis Mandylor Leikstjórn: Adrian Grunberg
Bíó: Laugarásbíó, Háskólabíó og Borgarbíó Akureyri
Frumsýnd 20. september
Punktar ....................................................
Sylvester Stallone er tvísaga um hvort þessi fimmta mynd um John
Rambo sé sú síðasta því hann hefur bæði haldið því fram að hún sé
það og líka að e.t.v. verði sjötta myndin gerð ef þessi gengur vel.
l
Þetta er önnur mynd Adrians Grunberg sem leikstjóra en sú fyrri var
hin þrælskemmtilega Get the Gringo sem Mel Gibson lék aðalhlut-
verkið í árið 2012. Þess ber þó að geta að Adrian er margreyndur
aðstoðarleikstjóri og vann sem slíkur að þekktum myndum eins og
Traffic, Collateral Damage, Amores perros, Man on Fire, Jarhead, Apo-
calypto og Edge of Darkness svo einhverjar séu nefndar af mörgum.
l
Sagan í myndinni er eftir Sylvester Stallone sem einnig skrifaði hand-
ritið í samvinnu við Matthew Cirulnick.
l
Yvette Monreal leikur frænkuna ungu sem Rambo þarf að bjarga.
Veistu svarið?
Skáldsagan First Blood eftir David Morrell kom út
árið 1972 og var gefin út í íslenskri þýðingu fyrir jólin
1976. Þetta var fyrsta bók Davids og kynnti til sög-
unnar sérsveitarmanninn John Rambo sem hafði
lifað tímana tvenna. En hvað hét sagan á íslensku?
Frá tökum á myndinni sem fóru að mestu fram í Búlgaríu, á Spáni
og á Kanaríeyjum í október, nóvember og desember í fyrra.
Í greipum dauðans.
28
Myndir mánaðarins