Myndir mánaðarins MM September 2019 Bíóhluti | Page 18
It: Chapter Two
Ekkert getur búið þig undir endinn
Tvö ár eru liðin síðan kvikmyndin It sló í gegn í kvikmynda-
húsum en hún var eins og flestir vita gerð eftir fyrri hluta
samnefndrar bókar Stephens King sem kom út árið 1986 og
er af mörgum talin ein hans albesta saga. Þann 6. september
verður seinni hluti þessarar mögnuðu sögu frumsýndur, en
hann gerist að mestu 27 árum eftir atburðina í fyrri hlutanum.
Það má reikna með rafmagnaðri spennu í kvikmyndahúsunum
þegar It: Chapter Two verður frumsýnd enda varð fyrri myndin
gríðarlega vinsæl og eru þeir því margir sem bíða með óþreyju
eftir að sjá hvað gerist í þessari. Við förum ekki nánar út í það hér
til að skemma ekki ánægjuna fyrir neinum en viljum samt láta þess
getið að framvindan mun koma jafnvel þeim sem lesið hafa söguna
verulega á óvart, svo ekki sé talað um þá sem hafa ekki lesið hana!
It: Chapter Two
27 árum eftir atburðina í fyrri myndinni hittast þau Ben, Eddie, Mike,
Bill, Beverly og Richie á ný í heimabæ sínum, Derry, þar sem trúðurinn
Pennywise er kominn á kreik á ný, hættulegri en nokkurn tíma fyrr.
Tryllir
165
mín
Aðalhlutverk: Bill Skarsgård, Jessica Chastain, James McAvoy,
Bill Hader, Finn Wolfhard, Sophia Lillis, James Ransone, Jack Dylan
Grazer, Isaiah Mustafa og Jake Weary Leikstjórn: Andy Muschietti
Bíó: Sambíóin Álfabakka, Kringlunni, Egilshöll, Akureyri og Keflavík,
Laugarásbíó, Bíóhúsið Selfossi, Ísafjarðarbíó og Eyjabíó
Frumsýnd 6. september
Punktar ....................................................
Myndin hefur hvergi verið sýnd þegar þetta er skrifað en úr innsta
hring hafa borist þær fréttir að framleiðendur og aðrir aðstand-
endur séu hæstánægðir með afraksturinn og lofa því að þeir
áhorfendur sem kunnu vel að meta fyrri hlutann fyrir tveimur árum
muni ekki verða fyrir neinum vonbrigðum með þennan seinni hluta.
l
Leikstjóri It: Chapter Two er sá sami og leikstýrði fyrri hlutanum,
Andy Muschietti, og allir aðrir aðstandendur eru einnig þeir sömu.
l
Þess má að lokum geta að It: Chapter Two er sögð innihalda nokkur
atriði sem í raun tilheyra fyrri kaflanum. Þeir sem lesið hafa bókina
ættu að vita hvaða atriði þetta eru en öðrum verður komið á óvart!
l
Pennywise er eins og í fyrri myndinni leikinn af Bill Skarsgård.
Veistu svarið?
Þetta er í annað sinn sem Jessica Chastain leikur
aðalkvenhlutverkið í mynd eftir leikstjórann Andy
Muschietti, en það gerði hún einnig í fyrstu mynd
hans sem var frumsýnd 2013. Hvaða mynd var það?
Hermt er að Bill Hader steli nokkrum sinnum senunni í It: Chapter Two.
Mama.
18
Myndir mánaðarins