Myndir mánaðarins MM September 2019 Bíóhluti | Page 14

Bíófréttir – Væntanlegt
Ef allt fer samkvæmt áætlun þá á fjórða Matrix-myndin að koma
í bíó eftir þrjú ár, 2022. Það verður gaman að endurnýja kynnin.
Fjórða Matrix-myndin í bígerð
Þær óvæntu fréttir bárust út í kvikmyndakosmóið á dögunum að
búið væri að gefa grænt ljós á gerð fjórðu Matrix-myndarinnar en
eins og flest kvikmyndaáhugafólk veit þá var fyrsta myndin frum-
sýnd árið 1999 og naut þvílíkra vinsælda að tvær framhaldsmyndir
fylgdu í kjölfarið, The Matrix Reloaded og The Matrix Revolutions,
sem voru frumsýndar með nokkurra mánaða millibili árið 2003.
Töldu þá margir að sagan væri fullsögð enda gáfu höfundarnir,
Wachowski-bræður (sem nú eru systur), það skýrt til kynna með
bæði yfirlýsingum og að sjálfsögðu endinum á þriðju myndinni.
Þess vegna koma þessa fréttir á óvart og þeir eru örugglega margir
sem langar nú mikið að vita hvaða söguhugmynd er hér að baki.
Það kemur væntanlega í ljós með tímanum en hitt er þegar orðið
ljóst að þau Keanu Reeves og Carrie-Anne Moss munu snúa
aftur sem þau Neo og Trinity og að það er Lana Wachowski sem
mun leikstýra og skrifa handritið ásamt Aleksandar Hemon og
rithöfundinum David Mitchell sem skrifaði skáldsöguna Cloud
Atlas. Og nú er bara að bíða í nokkur ár eftir nánari upplýsingum.
Sjálfa mánaðarins
Ein af myndum mánaðarins núna í september er Downton Abbey
sem frumsýnd verður 20. september og lesa má um á bls. 26 hér
aftar í blaðinu. Af því tilefni birtum við þessa skemmtilegu mynd af
nokkrum leikurum myndarinnar að taka sjálfu, en þetta eru þau Jim
Carter, Raquel Cassidy, Brendan Coyle, Kevin Doyle og Phyllis Logan
sem aðdáendur sjónvarpsþáttanna kannast áreiðanlega vel við.
Grettukeppni mánaðarins
Þau Jessica Chastain og Bill Hader hittust á dögunum á forsýningu
myndarinnar It: Chapter Two og fóru af því tilefni í létta keppni um
hvort þeirra gæti betur hermt eftir munnsvip hins ógnvekjandi
trúðs Pennywise sem persónur þeirra glíma við í myndinni. Engum
sögum fer af því hvort þeirra vann keppnina.
Nóg að gera hjá Brad Pitt
Já, það hafa verið annir hjá Brad Pitt að undanförnu enda hefur
hann ferðast um allan heim á umliðnum vikum til að taka þátt í
kynningum á Tarantino-myndinni Once Upon a Time in ... Hollywood
þar sem hann þykir reyndar stela senunni í nokkrum atriðum. Næst
á dagskrá hjá honum eru enn fleiri ferðalög, í þetta sinn til að kynna
myndina Ad Astra sem verður frumsýnd seinni hlutann í september
og margir bíða spenntir eftir að sjá hvaða viðtökur fær.
Eftir þá törn byrjar hann svo á undirbúningi fyrir leik í næstu mynd
Óskarsverðlaunahafans Damiens Chazelle (Whiplash, La La Land,
First Man) en hún nefnist Babylon og er sögð gerast á sama stað og
á svipuðum tíma og Once Upon a Time in ... Hollywood. Lítið annað
er vitað um hana nema að Emma Stone, sem lék einmitt eitt aðal-
hlutverkið í La La Land, mun leika aðalkvenhlutverkið á móti Brad.
14
Myndir mánaðarins
Hjón mánaðarins
Þau Danielle Macdonald og Jamie Bell eru ekki hjón í alvörunni
heldur leika þau hjónin Bryon og Julie í sannsögulegu myndinni
Skin sem verður frumsýnd 20. september og lesa má um á bls. 25
hér aftar í blaðinu. Er það mál manna sem séð hafa þá mynd að þau
sýni bæði algeran snilldarleik í hlutverkum sínum og segja margir
að þau ættu skilið að vera tilnefnd til helstu verðlauna fyrir samleik
sinn og túlkun á persónunum. Þessi mynd af þeim var tekin þegar
þau hittust á ný á forsýningu myndarinnar í Los Angeles á dögunum.