Myndir mánaðarins MM September 2019 Bíóhluti | Page 12

Bíófréttir – Væntanlegt
Heimsins furðulegasta fjölskylda og ungur
snjómaður sem ratar ekki heim.
Will Smith leikur á móti sjálfum sér í Gemini Man þar sem hann
er yngdur upp með tölvutækni í öðru hlutverkinu rétt eins og
gert var í tilfelli Samuels L. Jackson í myndinni Captain Marvel.
Barist við sjálfan sig
Það hlakka örugglega margir til að sjá nýjustu mynd tvöfalda Ósk-
arsverðlaunahafans Angs Lee, Gemini Man, en þar er á ferðinni
spennu- og hasarmynd með vísindaskáldsöguívafi sem svo sann-
arlega lofar góðu fyrir þá sem hafa smekk fyrir slíkum myndum.
Myndin segir frá sérsveitarséníinu og leigumorðingjanum Henry
Brogan sem dag einn verður sjálfur skotmark illra manna sem
vilja hann feigan. Í ljós kemur
að sá sem er ætlað að drepa
hann er í raun klónn af honum
sjálfum, bara mörgum árum yngri
og sennilega mörgum sinnum
hættulegri. Í gang fer hörku-
barátta sem fólk getur fengið
forsmekkinn af í frábærri stiklunni
en hún segir manni að þetta verði
einn af stærri smellum ársins í
kvikmyndahúsum. Með helstu
hlutverk fyrir utan Will Smith
fara þau Clive Owen og Mary
Elizabeth Winstead, en við kíkjum
nánar á myndina í næsta blaði.
Leikstjóri Gemini Man, Ang Lee, er eins og flestir vita marg-
faldur verðlaunahafi og á að baki myndir eins og Crouching
Tiger Hidden Dragon, Sense and Sensibility, Life of Pi, Broke-
back Mountain og Billy Lynn’s Long Halftime Walk.
12
Myndir mánaðarins
Þeir sem hafa gaman af góðum teikni-
myndum eiga von á veislu í október þegar
tvær slíkar verða frumsýndar. Sú fyrri er
byggð á sögum rithöfundarins Charles
Addam um Addams-fjölskylduna furðu-
legu, en eftir þessum sögum voru gerðir
afar vinsælir sjónvarpsþættir á sínum tíma
og svo bíómyndir í kjölfarið sem gengu vel.
Í þessari nýju teiknimynd verða dálítil kafla-
skil í sögu Addams-fjölskyldunnar þegar
heimasætan Wednesday byrjar í nýjum
skóla þar sem hún á fljótlega eftir að hræða
líftóruna úr mörgum samnemenda sinna. Þetta kallar auðvitað
á mótmæli bæjarbúa sem vilja ekki bara losna við Wednesday úr
skólanum heldur fjölskylduna alla fyrir fullt og allt og ákveða að
gera heiðarlega tilraun til að svo megi verða. Tekst það?
Seinni teiknimyndin er jafnframt sú nýjasta
úr smiðju Dreamworks-kvikmyndarisans
og er eftir sömu aðila og gerðu myndirnar
um Hiksta og Tannlausan í trílógíunni Að
temja drekann sinn. Myndin, sem heitir
Abominable á ensku en hefur fengið
íslenska heitið Everest – Litli snjómaðurinn,
segir frá ungri stúlku að nafni Yi sem
verður heldur betur hissa þegar „lítill“ snjó-
mannsstrákur úr Himalæjafjöllum leitar
skjóls í híbýlum hennar á flótta undan
manninum sem veiddi hann og flutti hann
til borgarinnar. Snjómannsstrákurinn, sem
heitir Peng, þráir auðvitað ekkert heitar en að komast aftur heim
til sín og að sjálfsögðu ákveður Yi að hjálpa honum að láta þá ósk
rætast. Við fjöllum betur um þessar tvær teiknimyndir í næsta blaði.