Myndir mánaðarins MM September 2019 Bíóhluti | Page 10

Bíófréttir – Væntanlegt
Tíu árum síðar ...
Það eru liðin tíu ár frá því að
uppvakningagrínið Zombieland
eftir leikstjórann og handrits-
höfundinn Ruben Fleischer var
frumsýnt og sló í gegn, enda
bráðfyndin mynd þrátt fyrir að
vera dálítið blóðug – eðlilega. Af
þessu tilefni var ákveðið að slá í
nýja mynd um þau Little Rock,
Angelina Jolie leikur hér á ný hina illu norn Maleficent sem
er reyndar ekkert svo ill þegar á reynir, frekar misskilin.
Ævintýrið heldur áfram
Disney-mynd októbermánaðar er
mynd númer tvö um nornina Male-
ficent sem eins og menn muna
var á sínum tíma ábyrg fyrir því að
Þyrnirós (sem nefnist Áróra í þessari
útgáfu ævintýrisins) svaf í heila öld
eftir að hafa móðgast yfir því að vera
ekki boðið í skírn hennar. Allt var það
nú reyndar byggt á misskilningi og
í ljós kom að í raun var Maleficent
ekki eins vond og hún var talin vera.
Þann 18. október verður frumsýnd
framhaldsmynd þessa ævintýris
sem gerist nokkrum árum eftir atburðina í 2014-myndinni þegar
Áróra er orðin gjafvaxta og komin með vonbiðil, Filip prins. Þegar
hann síðan biður hennar ákveður hún að taka bónorðinu, þvert á
vilja Maleficent sem verður alveg öskureið þegar Áróra ákveður að
ganga gegn hennar óskum. Reyndar kemur í ljós að Maleficent veit
hvað hún syngur því staðreyndin er að Áróru er bráð hætta búin
giftist hún prinsinum, en við förum ekki nánar út í það hér hver sú
hætta er nema að hún tengist móður prinsins, Ingiríði drottningu.
Eins og í fyrri myndinni eru það þær Angelina Jolie og Elle Fanning
sem leika þær Maleficent og Áróru en á meðal annarra leikara
eru Michelle Pfeiffer, Harris Dickinson, Ed Skrein, Chiwetel Ejiofor,
Lesley Manville og Imelda Staunton en leikstjóri er hinn norski
Joachim Rønning sem leikstýrði m.a. myndunum Max Manus, Kon
Tiki og Pirates of the Caribbean: Dead Men Tell No Tales.
Elle Fanning leikur Áróru prinsessu á ný og Michelle Pfeiffer
leikur tilvonandi tengdamóður hennar, Ingiríði drottningu.
10
Myndir mánaðarins
Wichitu, Tallahassee og Columbus
og sjá hvað hefur á daga þeirra
drifið á þessum tíu árum sem liðin
eru síðan við sáum þau síðast. Sem
betur fer eru þau öll heil á húfi
þrátt fyrir að uppvakningaplágan
sé ekki í rénun og að þau hafi í öll
þessi ár þurft að hafa gætur á sínu
nánast umhverfi og fara eftir reglunum þrjátíu sem Columbus kynnti
fyrir þeim á sínum tíma.
Myndin nefnist Zombieland: Double Tap og verður frumsýnd 25.
október og geta bæði gamlir vinir fjórmenninganna og nýir rifjað upp
kynnin fyrirfram með því að skoða glænýja stikluna sem er auðvitað
alveg bráðsmellin ein og sér. Leikstjóri er sá sami og síðast, Ruben
Fleischer, en hann hefur sent frá sér þrjár myndir síðan hann gerði
Zombieland, þ.e. Gangster Squad, 30 Minutes or Less og Venom. Við
fjöllum nánar um söguþráð nýju myndarinnar í næsta blaði.
Fjórmenningarnir úr fyrri myndinni snúa aftur, þau Little Rock,
Wichita, Tallahassee og Columbus og eru eins og þá leikin af
Abigail Breslin, Emmu Stone, Woody Harrelson og Jesse ....
... Eisenberg en einnig bætast við nýjar persónur sem m.a. þau
Rosario Dawson, Zoey Deutch, Dan Aykroyd, Luke Wilson og
Thomas Middleditch leika. Þess má einnig geta að Bill Murray
snýr aftur sem hann sjálfur, hvernig sem það má nú vera.