Myndir mánaðarins MM Október 2019 Bíóhluti | Page 8
Bíófréttir – Væntanlegt
Ewan McGregor leikur Danny Torrance, son Jacks og Wendy
Torrance sem þau Jack Nicholson og Shelley Duvall léku svo
eftirminnilega í The Shining, en Danny var þá ungur drengur.
8
Linda Hamilton snýr aftur sem Sarah Connor í Terminator:
Dark Fate, svo og Edward Furlong í hlutverki Johns Connor, en
myndin er óbeint framhald af Terminator: Judgement Day.
Sagan var ekki öll Connor-mæðginin snúa aftur
Hrollvekjuunnendur hafa kannski sumir
hverjir þegar tekið eftir að aldrei þessu
vant er engin alvöru hrollvekja á dagskrá
kvikmyndahúsanna í mánuðinum. Að vísu
eru uppvakningar áberandi í Zombieland-
myndinni Double Tap sem kemur í bíó 25.
október, en hún er samt frekar gaman-
mynd en hrollvekja. Góðu fréttirnar fyrir
hina sömu er að þeim verður heldur betur
bættur þessi hrollvekjuskortur í nóvember
þegar nýjasta mynd leikstjórans Mikes
Flanagan, Doctor Sleep, sem gerð er eftir
samnefndri bók Stephens King, verður frumsýnd. Eins og margir
vita er sú saga framhald af The Shining en gerist áratugum seinna
þegar hinn skyggni Danny Torrance, sem var bara smágutti þegar
atburðirnir í The Shining gerðust, er orðinn fullorðinn og er enn
að glíma við að ná tökum á skyggnigáfu sinni. Full ástæða er til að
ætla að Doctor Sleep verði hörkugóð, ekki bara vegna orðrómsins
sem bendir sterklega til þess heldur líka vegna fyrri verka Mikes
Flanagan, ekki síst síðustu myndar hans, Gerald’s Game, sem
var einmitt líka byggð á sögu eftir Stephen King, en hún var
tvímælalaust á meðal bestu spennutrylla ársins 2017. Þess utan á
Mike m.a. að baki hinar stórfínu hrollvekjur Oculus, Before I Wake
og Hush. Doctor Sleep er á dagskrá 8. nóvember og þess má geta
að stikla númer tvö úr henni var frumsýnd á netinu á dögunum. Þann 1. nóvember verður ein umtalaðasta
mynd ársins, Terminator: Dark Fate, loksins
frumsýnd en eins og við höfum áður bent
á hér í blaðinu gerist hún 27 árum eftir
atburðina sem áttu sér stað í Terminator 2:
Judgment Day sem var frumsýnd árið 1991
og gerir sagan í henni ráð fyrir að það sem
gerðist í framhaldsmyndunum þremur,
Terminator 3: Rise of the Machines (2003),
Terminator Salvation (2009) og Terminator
Genisys (2015) hafi annað hvort aldrei gerst
eða þá gerst í einhverjum hliðarveruleika.
Þau Linda Hamilton, Edward Furlong og
Arnold Schwarzenegger snúa öll aftur sem þau Sarah Connor,
John Connor og tortímandinn sem bjargaði John frá bráðum
bana árið 1991 og undan hinu þróaða vélmenni T-1000 sem
Robert Patrick lék. Það sem meira er er að sjálfur höfundurinn og
höfuðpaurinn James Cameron snýr líka aftur sem söguhöfundur
og framleiðandi, en hann kom svo að segja ekkert nálægt áður-
nefndum framhaldsmyndum að öðru leyti en því að samþykkja
gerð þeirra. Með önnur stærstu hlutverkin í nýju myndinni fara þau
Natalia Reyes, sem leikur unga stúlku, Dani Ramos, sem vélmenn-
um framtíðar stafar ógn af og vilja því drepa, Mackenzie Davis sem
leikur verndara hennar, Grace, og svo Gabriel Luna sem leikur enn
eina uppfærðu gerðina af tortímanda úr framtíðinni. Við fjöllum
betur um söguna í myndinni í næsta blaði en þangað til geta
áhugasamir að sjálfsögðu kynnt sér stiklurnar sem eru þrjár talsins.
Í Doctor Sleep hverfum við m.a. aftur til Overlook-hótelsins
þar sem atburðirnir í The Shining gerðust. Hér gægist Danny í
gegnum gatið fræga á hurðinni sem pabbi hans hjó en í stiklu
myndarinnar eru nokkrar fleiri tilvísanir í atburði þeirrar sögu. Arnold Schwarzenegger, sem varð 72 ára í júlí, er hvergi af baki
dottinn og leikur hér sama vinveitta tortímandann og hann lék
í Terminator: Judgement Day árið 1991 eftir að hafa leikið vonda
tortímandann í upphaflegu myndinni sem var frumsýnd 1984.
Myndir mánaðarins