Myndir mánaðarins MM Október 2019 Bíóhluti | Page 26

Maleficent: Mistress of Evil
Ógnin er ekki alltaf sýnileg
Fimm ár eru liðin síðan atburðirnir í bíómyndinni Maleficent
gerðust og Áróra er nú orðin 21 árs. Þegar hún tekur bónorði
Filips prins setur Maleficent sig algerlega upp á móti þeim
ráðahag enda grunar hana Ingiríði drottningu, móður Filips,
um að vera með ill áform á prjónunum – og hefur rétt fyrir sér.
Bíómyndin Maleficent sem var frumsýnd sumarið 2014 sló í gegn
á heimsvísu eins og flestir muna og var þá þegar tekin ákvörðun
um að gera sjálfstætt framhald af henni. Þann 18. október er
komið að frumsýningu þess og segir orðrómurinn að um sé að
ræða alveg magnað ævintýri þar sem í engu hefur verið til sparað í
sviðsetningu og einstökum tölvubrellum sem þykja stórfenglegar.
Fyrir utan sjálfa meginsöguna fáum við einnig að skyggnast betur
inn í fortíð Maleficent og kynnast uppruna hennar og er óhætt að
lofa áhorfendum að sá hluti sögunnar kemur verulega á óvart ...
Maleficent: Mistress of Evil
Angelina Jolie endurtekur hér hlutverk sitt sem álfadrottningin
Maleficent sem í þetta sinn stendur frammi fyrir alveg nýrri ógn.
Ævintýri
Aldurstakmark ekki fyrirliggjandi fyrir prentun
118
mín
Aðalhlutverk: Angelina Jolie, Michelle Pfeiffer, Elle Fanning, Harris
Dickinson, Chiwetel Ejiofor, Sam Riley, Ed Skrein, Imelda Staunton,
Juno Temple og Lesley Manville Leikstjórn: Joachim Rønning Bíó:
Sambíóin Álfabakka, Kringlunni, Egilshöll, Keflavík og Akureyri,
Smárabíó, Bíóhúsið Selfossi, Ísafjarðarbíó, Eyjabíó, Bíóhöllin Akranesi,
Skjaldborgarbíó og Króksbíó
Frumsýnd 18. október
Punktar ....................................................
Sagan um álfadrottninguna Maleficent er eins og margir vita
spunnin út frá Disney-útgáfunni af sögunni um Þyrnirós, en það
var einmitt Maleficent sem lagði þau álög á Þyrnirós (Áróru) að
hún myndi stinga sig á snældu á sextán ára afmæli sínu og deyja. Í
ár eru liðin 60 ár frá því Þyrnirós frá Disney var frumsýnd árið 1959.
l
Flestir leikarar í 2014-myndinni snúa hér aftur í sömu hlutverkum
nema Brenton Thwaites sem lék Filip prins. Við hlutverki hans tekur
nú Harris Dickinson sem sló í gegn árið 2017 í myndinni Beach Rats.
l
Leikstjóri er hinn norski Joachim Rønning sem gerði það gott með
mynd sinni Kon-Tiki árið 2012 og leikstýrði svo Pirates of the Carib-
bean: Dead Men Tell No Tales ásamt félaga sínum Espen Sandberg.
l
Elle Fanning leikur sem fyrr Áróru prinsessu sem nú er orðin fimm
árum eldri en hún var í fyrri myndinni og er tilbúin til að giftast.
Veistu svarið?
Elle Fanning er eins og flestir vita yngri systir Dakotu
Fanning en á milli þeirra eru fjögur ár. Þær hafa samt
aldrei leikið í sömu myndinni fyrir utan fyrstu myndina
sem Elle birtist í tveggja ára gömul árið 2001 en í
henni lék Dakota stórt hlutverk. Hvaða mynd var það?
Michelle Pfeiffer leikur Ingiríði drottningu, móður Filips prins og því
tilvonandi tengdamóður Áróru. Hún er ekki öll þar sem hún er séð.
I Am Sam.
26
Myndir mánaðarins