Myndir mánaðarins MM Október 2019 Bíóhluti | Page 24
Agnes Joy
Maður er manns gaman
Bíómyndin Agnes Joy er grátbrosleg mæðgnasaga eftir leik-
stjórann Silju Hauksdóttur. Áleitin saga úr samtímanum og
um leið þroskasaga mæðgna frá Skaganum þar sem húmorinn
er aldrei langt undan.
Hér segir frá Rannveigu sem hefur að undanförnu upplifað kulnun í
bæði starfi og einkalífinu. Það er ekki nóg með að hún sé einmana,
hjónabandið með eiginmanninum Einari sé á leið í hundana og að
hún sé föst í starfi sem hún hatar, heldur á hún einnig í stöðugum
útistöðum við dóttur sína Agnesi, sem er uppreisnargjörn og
krefst þess að fara sínar eigin leiðir þrátt fyrir boð, bönn og sígildar
móðurlegar ráðleggingar.
Þegar nýr nágranni, leikarinn Hreinn, birtist á tröppunum er
eins og vonbrigði og gremja hversdagsins hverfi um stund hjá
mæðgunum. Það leiðir til þess að fjölskyldan neyðist til að endur-
meta hlutina og horfast í augu við glænýjar áskoranir.
Agnes Joy
Gamandrama
Katla Margrét Þorgeirsdóttir leikur Rannveigu sem segja
má að hafi átt í hálfgerðri tilvistarkreppu að undanförnu.
95
mín
Aðalhlutverk: Katla Margrét Þorgeirsdóttir, Donna Cruz, Þorsteinn
Bachmann, Björn Hlynur Haraldsson og Kristinn Óli Haraldsson
Leikstjórn: Silja Hauksdóttir Bíó: Smárabíó, Háskólabíó, Laugarásbíó
og Borgarbíó Akureyri
Frumsýnd 18. október
Punktar ....................................................
Handrit Agnes Joy, sem er eftir leikstjórann Silju Hauksdóttur,
Göggu Jónsdóttur og Jóhönnu Friðriku Sæmundsdóttur, er byggt
á söguhugmynd eftir Mikael Torfason sem einnig er meðframleið-
andi ásamt Guðbjörgu Sæmundsdóttur, en aðalframleiðendur eru
þær Birgitta Björnsdóttir og Gagga Jónsdóttir fyrir Vintage Pictures.
l
Myndin verður frumsýnd á alþjóðlegu kvikmyndahátíðinni Busan
í Suður-Kóreu í byrjun október og hér á landi 18. október. Sjáið
endilega stórgóða stiklu myndarinnar sem var frumsýnd á visir.is
12. september og lofar svo sannarlega góðu.
l
Donna Cruz leikur dóttur Rannveigar og Einars og um leið
titilpersónu myndarinnar, hina uppreisnargjörnu Agnesi Joy.
Veistu svarið?
Agnes Joy er önnur mynd leikstjórans og handrits-
höfundarins Silju Hauksdóttur í fullri lengd en sú
fyrri var myndin Dís sem var frumsýnd árið 2004.
Hvaða leikkona lék titilhlutverkið í þeirri mynd?
Fjórir af aðalleikurum myndarinnar í hlutverkum sínum, þ.e. Donna
Cruz, Björn Hlynur Haraldsson, Þorsteinn Bachmann og Katla
Margrét Þorgeirsdóttir, en Kristinn Óli Haraldsson, best þekktur sem
tónlistarmaðurinn Króli, leikur einnig stórt hlutverk í myndinni.
Álfrún Örnólfsdóttir.
24
Myndir mánaðarins