Myndir mánaðarins MM Október 2019 Bíóhluti | Page 22
Ready or Not
Niðurtalningin er hafin
Grace er ung kona sem þykist hafa himin höndum tekið þegar
hún giftist hinum myndarlega Alex Le Domas á óðalssetri
fjölskyldu hans enda er hver fjölskyldumeðlimurinn öðrum
auðugri. Það sem Grace veit ekki er að brúðkaupsnóttin verð-
ur að öllum líkindum sú síðasta sem hún lifir – eða hvað?
Ready or Not er kolsvartur grín-„slasher“ og fantasía eftir þá félaga
Matt Bettinelli-Olpin og Tyler Gillett sem eru einna þekktastir fyrir
sinn hlut í tryllinum V/H/S frá árinu 2012. Hér segja þeir okkur
söguna af hinni ungu Grace sem eftir að hafa gengið í hjónaband
með sínum heittelskaða Alex Le Domas kemst að því að hún er
orðin skotmark allra hinna fjölskyldumeðlimanna sem ætla sér að
drepa hana áður en nýr dagur rennur upp. Hver ástæðan fyrir því
er upplýsum við ekki hér en lofum að sögulokin koma á óvart ...
Það er ástralska leikkonan Samara Weaving sem leikur brúðina Grace
og hefur hún fengið mikið lof fyrir marga snilldartakta í hlutverkinu.
Ready or Not
Hrollur / Svartur húmor / Ráðgáta
95
mín
Aðalhlutverk: Samara Weaving, Adam Brody, Andie MacDowell,
Mark O’Brien, Henry Czerny, Nicky Guadagni, Melanie Scrofano, Elyse
Levesque og John Ralston Leikstjórn: Matt Bettinelli-Olpin og Tyler
Gillett Bíó: Smárabíó, Sambíóið Egilshöll og Borgarbíó Akureyri
Frumsýnd 18. október
Punktar ....................................................
HHHH 1/2 - Chicago Sun-Times HHHH - IGN HHHH - Empire
HHHH - Vulture HHHH - Variety HHHH - Entert. Weekly
Ready or Not var frumsýnd á alþjóðlegu Fantasy-kvikmyndahátíð-
inni í Kanada og skömmu síðar á Frightfest í Bretlandi og Fantasy
Filmfest í Þýskalandi. Er skemmst frá því að segja að hún fékk afar
góðar viðtökur bæði áhorfenda og gagnrýnenda og þegar þetta er
skrifað er hún með 7,2 í meðaleinkunn frá 14 þúsund notendum
Imdb og er 88% „fresh“ hjá 208 gagnrýnendum á Rotten Tomatoes.
l
Handrit myndarinnar er eftir þá Guy Busick og Ryan Murphy og
hafa þeir sagt að innblásturinn sé að nokkru leyti borðspilið Clue.
l
Le Domas-fjölskyldan er sannarlega ekki eins og fólk er flest.
Veistu svarið?
Adam Brody leikur stórt hlutverk í myndinni en hann á
25 ára leikafmæli á næsta ári þrátt fyrir að vera aðeins
fertugur. Segja má að stjarna hans hafi risið í hæstu
hæðir þegar hann lék í gríðarlega vinsælum sjón-
varpsþáttum á árunum 2003–2007. Hvaða þáttum?
Leikhópur Ready or Not ásamt leikstjórunum Matt Bettinelli-Olpin og
Tyler Gillett þegar myndin, sem er á góðri leið með að verða einn af
óvæntustu bíósmellum ársins, var forsýnd Í Los Angeles 20. ágúst.
The O.C.
22
Myndir mánaðarins