Myndir mánaðarins MM Október 2019 Bíóhluti | Page 20
Gemini Man
Hver bjargar honum frá sjálfum sér?
Henry Brogan er reyndur leigumorðingi hins opinbera en
er búinn að fá sig fullsaddan af starfinu og leitar leiða til að
draga sig í hlé. Það er hins vegar hægara sagt en gert fyrir
mann sem býr yfir jafnmikilli vitneskju og hann um myrkra-
verk stjórnarinnar. Dag einn uppgötvar hann að hann er sjálf-
ur orðinn bráð leigumorðingja sem virðist vita allt um hann.
Þessi nýjasta mynd meistaraleikstjórans Angs Lee lofar afar góðu
en í henni fer Will Smith með tvö hlutverk því hann leikur bæði
leigumorðingjann Henry Brogan svo og þann sem hefur verið falið
að drepa hann, Junior, en sá reynist vera klónn af honum sjálfum
og þekkir því hverja hans hreyfingu og taktík. Búið ykkur undir
hörkuhasar og snjalla sögu þar sem ekkert er eins og það sýnist!
Gemini Man
Will Smith leikur á móti sjálfum sér í Gemini Man þar sem hann er
yngdur upp með tölvutækni í öðru hlutverkinu rétt eins og gert
var í tilfelli Samuels L. Jackson í myndinni Captain Marvel.
Vísindaskáldsaga / Hasar
117
mín
Aðalhlutverk: Will Smith, Mary Elizabeth Winstead, Clive Owen,
Benedict Wong, Douglas Hodge, Ralph Brown, Linda Emond og
Theodora Miranne Leikstjórn: Ang Lee Bíó: Sambíóin Álfabakka,
Kringlunni, Egilshöll, Keflavík og Akureyri, Smárabíó, Laugarásbíó,
Bíóhúsið Selfossi, Ísafjarðarbíó, Eyjabíó, Bíóhöllin Akranesi,
Skjaldborgarbíó og Króksbíó
Frumsýnd 11. október
Punktar ....................................................
Söguhugmyndin að baki Gemini Man var upphaflega skrifuð af
David Lemke árið 1997 þegar Tony Scott tók að sér að gera úr henni
kvikmynd fyrir Disney. Vandamálið frá upphafi var að gera yngingu
aðalpersónunnar trúverðuga með förðun og þótt þeir Curtis Han-
son og Joe Carnahan hefðu síðar glímt við verkefnið og þeir Harri-
son Ford, Mel Gibson, Clint Eastwood og Sean Connery hafi allir
verið nefndir sem kandídatar í aðalhlutverkið frestaðist kvikmynda-
gerðin sífellt vegna þessa vandamáls ... eða allt þar til það var orðið
ljóst fyrir nokkrum árum að í stað förðunar var tölvutæknin komin á
það stig að hún myndi ráða við ynginguna á trúverðugan hátt.
l
Will Smith í hlutverkum sínum sem leigumorðingjarnir Junior og
Henry Brogan. Í baksýn er Mary Elizabeth Winstead sem leikur Danny.
Veistu svarið?
Breski gæðaleikarinn Clive Owen, sem leikur „vonda
kallinn“ í Gemini Man, fagnar um þessar mundir 30 ára
leiklistarafmæli sínu en segja má að hann hafi fyrst
slegið í gegn í vinsælum breskum sjónvarpsþáttum
sem hófu göngu sína árið 1990. Hvað hétu þeir?
Leikstjóri Gemini Man er tvöfaldi Óskarsverðlaunahafinn Ang Lee
sem á m.a. að baki myndirnar Crouching Tiger, Hidden Dragon, Sense
and Sensibility, Brokeback Mountain, The Ice Storm og Life of Pi.
Chancer.
20
Myndir mánaðarins