Myndir mánaðarins MM Október 2019 Bíóhluti | Page 19

Goðheimar
Jafnvel guðir þurfa á hetjum að halda
Goðheimar er stórfengleg og æsispennandi fjölskyldu- og
ævintýramynd um ungu víkingasystkinin og Miðgarðsbúana
Röskvu og Þjálfa sem koma ásamt þrumuguðinum Þór og
Loka hinum lævísa til Ásgarðs og eiga sannarlega eftir að
reynast hetjurnar sem guðina vantaði.
Goðheimar er danskt-íslenskt samstarfsverkefni sem sækir efnið í
íslenskar fornsögur, aðallega Snorra-Eddu en einnig í ýmsar aðrar
sagnir svo sem Þrymskviðu, Völuspá og Grímnismál. Myndin, sem
er talsett á íslensku, verður frumsýnd á sama tíma á Íslandi og í Dan-
mörku og þykir listilega vel gerð að öllu leyti. Þetta er kjörin skemmt-
un fyrir alla sem kunna að meta viðburðaríkar ævintýramyndir.
Roland Møller (Under sandet, Skyscraper) leikur þrumuguðinn Þór
sem einna mest mæðir á í baráttunni við Fenrisúlfinn, jötnana og
fleiri óvini goðanna sem stefna að því að leggja Valhöll í rúst.
Goðheimar
Punktar ....................................................
Ævintýri / Fjölskyldumynd
100
mín
Aðalhlutverk: Roland Møller, Dulfi Al-Jabouri, Cecilia Loffredo, Saxo
Moltke-Leth, Reza Forghani, Salóme Gunnarsdóttir og Lára Jóhanna
Jónsdóttir Leikstjórn: Fenar Ahmad Bíó: Smárabíó, Laugarásbíó,
Háskólabíó, Bíó Paradís, Sambíóin Álfabakka, Akureyri og Keflavík og
Bíóhúsið Selfossi
Frumsýnd 11. október
Handrit myndarinnar er eftir leikstjórann Fenar Ahmad og Adam
August en það er byggt á teiknimyndinni Valhalla sem Peter
Madsen leikstýrði árið 1986, en hún var aftur byggð á hans eigin
teiknimyndasögum sem í íslenskri þýðingu Guðna Kolbeinssonar
hlutu heitið Goðheimar og komu út hjá Iðunni á árunum frá 1979
til 2009, og voru svo að hluta til endurútgefnar frá 2010 til 2014.
l
Goðheimar var að stórum hluta tekin upp á Íslandi, en meðfram-
leiðandi hennar var Grímar Jónsson fyrir hönd Netop Films sem
framleiddi einnig myndirnar Undir trénu og Héraðið. Þess má svo
geta að fyrir utan þær Salóme Gunnarsdóttur og Láru Jóhönnu
Jónsdóttur sem leika þær Freyju og Sif sá Kristín Júlla Kristjánsdóttir
um hár og förðun og um búningahönnun sá Margrét Einarsdóttir.
l
Cecilia Loffredo leikur víkingastúlkuna og Miðgarðsbúann Röskvu ...
Veistu svarið?
Goðheimar er þriðja bíómynd leikstjórans og hand-
ritshöfundarins Fenars Ahmad en sú fyrsta var Ækte
vare sem var frumsýnd 2014. Árið 2017 sendi hann
svo frá sér frábæra mynd sem hlaut m.a. Bodil-
verðlaunin fyrir besta handritið. Hvaða mynd?
... sem ásamt bróður sínum Þjálfa (Saxo Moltke-Leth) lendir í vægast
sagt mögnuðum ævintýrum í Ásgarði þar sem þau ganga í lið
með goðunum til að bjarga Valhöll frá algerri tortímingu.
Underverden.
Myndir mánaðarins
19