Myndir mánaðarins MM Október 2019 Bíóhluti | Page 16
Joker
Settu upp brosið
Upprunasaga Arthurs Fleck og hvernig mótlætið sem hann
mætti í lífinu breytti honum smám saman í stórglæpamanninn
síhlæjandi, Joker, sem eins og flestir vita varð síðar að einum
helsta andstæðingi Bruce Wayne/Batmans í Gothamborg.
Það bíða sjálfsagt margir spenntir eftir að fá að sjá þessa nýjustu og
rómuðu mynd leikstjórans Todds Phillips sem hingað til hefur verið
þekktastur fyrir gamanmyndir sínar eins og Road Trip, Old School,
Starsky & Hutch, War Dogs og Hangover-myndirnar. Um er að ræða
frumsamda sögu þar sem Todd og meðhandritshöfundi hans,
Scott Silver (The Fighter, 8 Mile), voru gefnar frjálsar hendur í túlkun
sinni á Arthur Fleck og þeim atburðum sem gerðu hann að lokum
að Jókernum. Myndin, sem var frumsýnd á kvikmyndahátíðinni
í Feneyjum og hefur m.a. verið kölluð „meistaraverk“ og „mynd
ársins“ af gagnrýnendum, er tvímælalaust ein af þeim sem allir
sannir kvikmyndaunnendur ættu hiklaust að sjá á stóru tjaldi í bíó.
Joker
Glæpadrama / Tryllir
Joaquin Phoenix þykir stórkostlegur í hlutverki Arthurs Fleck sem
breytist smátt og smátt í hinn miskunnarlausa glæpamann Joker.
122
mín
Aðalhlutverk: Joaquin Phoenix, Zazie Beetz, Robert De Niro, Frances
Conroy, Brett Cullen, Douglas Hodge, Dante Pereira-Olson, Marc
Maron og Shea Whigham Leikstjórn: Todd Phillips Bíó: Sambíóin
Álfabakka, Kringlunni, Egilshöll, Keflavík og Akureyri, Smárabíó,
Laugarásbíó, Bíóhúsið Selfossi, Ísafjarðarbíó, Eyjabíó, Bíóhöllin
Akranesi, Skjaldborgarbíó og Króksbíó
Frumsýnd 4. október
Punktar ....................................................
HHHHH - Guardian HHHHH - Film Threat HHHHH - Empire
HHHHH - CineVue HHHHH - Time Out HHHH 1/2 - Variety
HHHH 1/2 - Playlist HHHH - Telegraph HHHH - H. Reporter
Joker var frumsýnd á kvikmyndahátíðinni í Feneyjum þar sem
hún hlaut Gullna ljónið sem besta mynd hátíðarinnar. Hún hefur
enn fremur hlotið frábæra dóma margra gagnrýnenda og er þegar
þetta er skrifað með 9,5 í einkunn á Imdb frá 14 þúsund notendum.
l
Hermt er að myndin sé í raun fyrsta myndin í nýjum myndaflokki
frá DC-Comics þar sem ætlunin er að gera uppruna hinna ýmsu
karaktera sem komið hafa fram í myndasögublöðunum skil.
l
Veistu svarið?
Þeir eru orðnir ansi margir sem spá Joaquin Phoenix
tilnefningu til allra helstu leiklistarverðlauna ársins
fyrir hlutverk sitt í Joker, þ. á m. til Óskarsverðlauna.
En fyrir leik í hvaða þremur myndum hefur hann
áður verið tilnefndur til Óskarsverðlauna?
Gladiator, Walk the Line og The Master.
16
Myndir mánaðarins
Robert De Niro fer með veigamikið hlutverk í myndinni.