Myndir mánaðarins MM Nóvember 2019 Bíóhluti | Page 10
Bíófréttir – Væntanlegt
Það verður örugglega hart barist í þessari níundu og síðustu
mynd Star Wars-seríunnar sem frumsýnd verður 20. desember.
Síðasti kafli sögunnar
Star Wars-ævintýrið heldur bæði áfram
og endar í desember en níunda mynd
þessarar vinsælu seríu sem hóf göngu
sína árið 1977 er jafnframt sú síðasta og
verður hún frumsýnd 19. desember.
Eins og áður hefur söguþræði þessa
síðasta kafla sögunnar verið haldið
leyndum til að skemma ekkert fyrir
væntanlegum áhorfendum sem vilja
láta koma sér á óvart, fyrir utan auð-
vitað það litla sem opinberað hefur
verið í stiklum myndarinnar, en sú
nýjasta þeirra og sennilega sú síðasta
var frumsýnd í október. Við látum þeim sem áhuga hafa um að
skoða hana og draga sínar eigin ályktanir en það sem er auðvitað
forvitnilegast og allir Star Wars-aðdáendur vilja vita er hvernig
leikstjórinn J.J. Abrams, sem jafnframt samdi handritið ásamt
Chris Terrio, hefur ákveðið að ljúka sögunni og hnýta lausa enda.
En hvernig sem það fer, og hvernig sem Star Wars-sögunni lýkur,
þá þurfa aðdáendur varla að kvíða framtíðinni því gefið hefur
verið út að vinna að nýrri seríu sé langt komin en að hún gerist
á allt öðrum stað og jafnvel í annarri vídd en Star Wars-sagan. Við
seljum það ekki dýrar en við keyptum það en orðrómur hefur verið
um að nýja serían, sem þeir David Benioff og D.B. Weiss, höfundar
Game of Thrones hafa verið að vinna að, gerist 4.000 árum áður en
Star Wars-serían hófst og að fyrsta myndin verði tilbúin fyrir jólin
2022. Við sjáum hvað setur og munum að sjálfsögðu fylgjast með!
Nýja The Grudge-myndin kemur í kvikmyndahús í janúar
en hér er um að ræða alveg nýja útgáfu af sögunni.
Nýtt upphaf
Hrollvekjuunnendur muna vafalaust eftir
Grudge-myndunum sem gerðar voru árin
2004, 2006 og 2009 og byggðu á japanskri
fyrirmynd leikstjórans Takashi Shimizu frá
árinu 2002. Eftir þriðju myndina 2009 stóð
til að gera þá fjórðu en við það var hætt á
sínum tíma og ákveðið að byrja frekar upp
á nýtt á seríunni. Sú hugmynd fór þó einnig
fyrir borð og í staðinn kom hugmynd að
mynd þar sem söguhugmyndin yrði endur-
unnin frá grunni þannig að ekki yrði að
neinu leyti byggt á áður gerðum myndum
að öðru leyti. Og nú er þessi nýja The Grudge-mynd svo gott sem
tilbúin og verður frumsýnd í janúar. Skoðið stikluna, ef þið þorið!
Þeir félagar Casper Christensen og Frank Hvam hafa ekki
sagt sitt síðasta í sögunni um nafna þeirra, Casper og Frank.
Endirinn var eftir
Þau Finn, Rey og Poe Dameron snúa að sjálfsögðu öll aftur í The
Rise of Skywalker og eru sem fyrr leikin af þeim John Boyega,
Daisy Ridley og Oscari Isaac. Á bak við þau sjást þeir Chewbacca
og C-3PO sem þeir Joonas Suotamo og Anthony Daniels leika.
10
Myndir mánaðarins
Aðdáendur dönsku sjónvarpsþáttanna og
bíómyndanna tveggja um þá Casper og Frank
og vandræðin sem þeir voru stöðugt að koma
sér í gleðjast væntanlega mikið núna þegar
hyllir undir að þriðja bíómyndin verði frum-
sýnd, en hún nefnist The Final. Ekkert hefur
verið gefið upp um söguþráðinn en eins og
þeir muna sem sáu bíómynd númer tvö höfðu
þeir Frank og Casper svo gersamlega klúðrað málunum í lok hennar
að ekki var í fljótu bragði hægt að sjá hvað þeir gætu gert til að
koma sér aftur á réttan kjöl. Kannski fjallar nýja myndin um betrun
þeirra en eitthvað segir okkur samt að þeir eigi eftir að klúðra öllu
enn frekar. Myndin verður frumsýnd í Danmörku í lok janúar en ekki
er komið á hreint hvenær hún kemur í bíó hér á landi.