Booksmart
Síðasti séns
Skólafélagarnir og vinkonurnar Amy og Molly eru fyrirmyndar-
nemendur sem hafa með mikilli elju uppskorið góðar einkunnir
sem duga til að komast inn í bestu framhaldsskólana. En þessi
árangur hefur einnig kostað þær miklar fórnir á félagslega svið-
inu og nú er kominn tími til að bæta úr því í eitt skipti fyrir öll!
Booksmart er fyrsta mynd Oliviu Wilde sem leikstjóra og þykir hún
bráðskemmtileg frá upphafi til enda. Myndin gerist á lokadegi
skólaársins þegar síðasta tækifærið til að skvetta úr klaufunum er
runnið upp og það tækifæri ætla þær Amy og Molly ekki að láta sér
úr greipum ganga. En hvernig fara námshestar eins og þær að því
að bæta sér upp margra ára félagslega einangrun á einum degi?
Stöllurnar Molly og Amy eru harðákveðnar í að mála bæinn rauðan
í eitt skipti fyrir öll enda er síðasta tækifærið til þess upprunnið.
Punktar ....................................................
Booksmart
HHHH 1/2 - Wrap HHHH 1/2 - IndieWire HHHH 1/2 - Variety
HHHH 1/2 - Hollyw. Reporter HHHH 1/2 - New York Magazine
HHHH 1/2 - IGN HHHH - The Playlist HHHH - The Guardian
Gamanmynd
103
mín
Aðalhlutverk: Kaitlyn Dever, Beanie Feldstein, Billie Lourd, Noah
Galvin, Jason Sudeikis, Lisa Kudrow, Will Forte, Skyler Gisondo, Diana
Silvers og Jessica Williams Leikstjórn: Olivia Wilde Bíó: Smárabíó,
Háskólabíó og Borgarbíó Akureyri
Frumsýnd 29. maí
Booksmart verður ekki sýnd á almennum sýningum fyrr en í lok
maí en hún var frumsýnd á South By Southwest-kvikmyndahátíð-
inni í Austin í Texas 14. mars og hlaut frábærar viðtökur. Þegar þetta
er skrifað er hún með 8,6 í meðaleinkunn frá þeim tíu gagnrýn-
endum á Metacritic sem þegar hafa birt dóma sína og segja sumir
hana vera bestu gamanmynd í sínum flokki síðan Superbad 2007.
l
Sagan í myndinni er eftir Katie Silberman og hafa þær Olivia Wilde
látið hafa eftir sér að fyrir utan Superbad sé innblásturinn sóttur í
sígildar „coming of age“-myndir eins og The Breakfast Club, Fast
Times At Richmount High, Dazed and Confused og Clueless.
l
Billie Lourd (t.v.), sem leikur Connix í Star Wars-myndunum, leikur
stórt hlutverk í Booksmart ásamt t.d. eiginmanni Oliviu Wilde,
Jason Sudeikis, Lisu Kudrow og öðrum þekktum gamanleikurum.
Veistu svarið?
Olivia Wilde er auðvitað mun þekktari sem leikkona
en leikstjóri en hún hóf leikferil sinn árið 2004 í
aukahlutverki myndarinnar The Girl Next Door og
sló svo í gegn í sjónvarpsþáttum sem nutu mikilla
vinsælda, m.a. á Íslandi. Hvaða sjónvarpsþáttum?
Leikstjórinn Olivia Wilde ásamt aðalleikonunum Kaitlyn Dever og
Beanie Feldstein á South By Southwest-kvikmyndaráðstefnunni í mars
þar sem myndin fékk frábærar viðtökur áhorfenda og gagnrýnenda.
The O.C.
Myndir mánaðarins
33