Godzilla: King of the Monsters
Þetta eru engin gæludýr
Godzilla: King of the Monsters er óbeint framhald myndarinn-
ar Godzilla sem var frumsýnd sumarið 2014 og halaði inn um
530 milljónir dollara í kvikmyndahúsum. Hér heldur ævintýrið
áfram og í þetta sinn þarf Godzilla m.a. að takast á við hið
þríhöfða skrímsli Ghidorah sem ætlar sér alheimsyfirráð, en í
þeim hrikalegu átökum má mannfólkið síns lítils – eða hvað?
Þeir sem sáu 2014-myndina um Godzillu ættu ekki að verða fyrir
vonbrigðum með þessa sem er jafnframt þriðja myndin í hinum
svokallaða MonsterVerse-myndaflokki en til hans telst einnig
myndin Kong: Skull Island sem var frumsýnd sumarið 2017. Um
leið er Godzilla: King of the Monsters undanfari fjórðu myndarinnar,
Godzilla vs. Kong, sem verður frumsýnd að ári liðnu.
Fyrir utan Godzillu koma hér við sögu ýmis önnur skrímsli sem
tilheyra sögunni um hana, svo sem Mothra og Rodan ásamt þrí-
höfðanum Ghidorah sem eirir engu sem í vegi hans stendur. Í gang
fer hrikaleg barátta, annars vegar á milli skrímslanna og hins vegar
á milli manna sem hafa mismunandi sýn á hvernig höndla eigi
ástandið – og um leið á stefnuna sem framtíð mannkynsins tekur ...
Godzilla: King of the Monsters
Ævintýri / Hasar
132
mín
Aðalhlutverk: Vera Farmiga, Millie Bobby Brown, Kyle Chandler,
Bradley Whitford, Sally Hawkins, Charles Dance, O’Shea Jackson Jr.,
David Strathairn, Ken Watanabe og Zhang Ziyi Leikstjórn: Michael
Dougherty Bíó: Sambíóin Álfabakka, Kringlunni, Egilshöll, Akureyri
og Keflavík, Smárabíó, Selfossbíó, Eyjabíó, Ísafjarðarbíó, Bíóhöllin
Akranesi, Skjaldborgarbíó, Króksbíó
Frumsýnd 29. maí
Millie Bobby Brown og Vera Farmiga leika mæðgurnar Madison og
Emmu, en Emma hefur fundið upp tækni sem gerir henni kleyft að
ná sambandi við skrímslin ógurlegu. Vegna þeirrar vitneskju er þeim
mæðgum rænt af fólki sem vill stjórna skrímslunum í eigin þágu.
Punktar ....................................................
Godzilla: King of the Monsters er fyrsta bíómyndin sem hin fimmtán
ára gamla Millie Bobby Brown leikur í en hún vann til ótal verð-
launa og hlaut m.a. tvær Emmy-tilnefningar fyrir leik sinn í sjón-
varpsseríunni Stranger Things og er almennt talin ein efnilegasta
leikkona Bandaríkjanna nú um stundir þótt Bretar telji sig eiga
alveg jafnmikið í henni þar sem báðir foreldrar hennar eru Bretar.
Þess má geta til gamans að Millie er yngsta konan sem komist
hefur inn á topp 100-lista Time-tímaritsins yfir áhrifamesta fólkið í
Bandaríkjunum, en inn á þann lista fór hún í apríl í fyrra.
l
Hið ægilega þríhöfða skrímsli Ghidorah, sem er erkióvinur Godzillu
og hennar langsterkasti mótherji, kemur mikið við sögu í myndinni.
Veistu svarið?
Á meðal persónanna sem snúa aftur í þessari
mynd úr 2014-myndinni er vísindakonan Vivienne
Graham sem breska leikkonan Sally Hawkins leikur
á ný, en Sally hefur tvisvar sinnum verið tilnefnd til
Óskarsverðlauna. Fyrir leik í hvaða myndum?
The Shape of Water og Blue Jasmine.
32
Myndir mánaðarins