Rocketman
Ævintýri um ævintýri
Elton John þarf engrar kynningar við enda hefur hann trónað
á toppnum í popptónlistinni allar götur frá því hann sló fyrst
í gegn árið 1970 með lagi sínu Your Song. En tónlistarsaga
hans nær mun lengra aftur í tímann en það og í þessari mynd
leikstjórans Dexters Fletcher er farið yfir feril hans frá byrjun.
Sir Elton Hercules John, eða Reginald Kenneth Dwight eins og
hann hét áður en hann breytti nafni sínu á sjöunda áratug síðustu
aldar (og bætti síðan við millinafninu Hercules), fæddist í Pinner Í
Middlesex 25. mars 1947 og er því nýorðinn 72 ára. Í myndinni er
lögð áhersla á að segja frá æsku hans og uppvexti, fyrstu skrefum
hans í tónlistinni og þeim umbreytingum sem urðu á lagasmíðum
hans þegar hann og ljóðskáldið og textahöfundurinn Bernie
Taupin voru fyrir tilviljun leiddir saman árið 1967. Við fylgjum síðan
sögu hans og fólksins í kringum hann allt til heimsfrægðar og fáum
að sjálfsögðu að heyra mörg af hans þekktustu lögum sem gerðu
hann að þeirri súperstjörnu sem hann hefur verið upp frá því.
Rocketman
Sannsögulegt
Taron Egerton leikur Elton John og syngur sjálfur öll lögin í myndinni.
Aldurstakmark og lengd ekki fyrirliggjandi fyrir prentun
Aðalhlutverk: Taron Egerton, Jamie Bell, Bryce Dallas Howard, Tate
Donovan, Stephen Graham, Richard Madden, Jason Pennycooke,
Gemma Jones og Kit Connor Leikstjórn: Dexter Fletcher Bíó: Sam-
bíóin Álfabakka, Kringlunni, Egilshöll, Akureyri og Keflavík auk þess
Háskólabíó, Selfossbíó, Eyjabíó, Ísafjarðarbíó, Bíóhöllin Akranesi,
Skjaldborgarbíó og Króksbíó
Frumsýnd 29. maí
Punktar ....................................................
Leikstjóri myndarinnar, Dexter Fletcher, á m.a. að baki verðlauna-
myndirnar Wild Bill, Sunshine on Leith og Eddie the Eagle, en það var
einmitt Taron Egerton sem fór með titilhlutverkið í þeirri síðast-
nefndu. Eins og margir jafnframt vita þurfti Dexter að gera óvænt
hlé á undirbúningi þessarar myndar þegar hann var beðinn að
taka við leikstjórnartaumum myndarinnar Bohemian Rhapsody
eftir að Bryan Singer var sagt upp sem leikstjóra hennar.
l
Handritið er skrifað af Lee Hall (Billy Elliott) í góðu samstarfi við
Elton John sjálfan sem lagði samt áherslu á að aðstandendur mynd-
arinnar færu sínar eigin leiðir í túlkun sinni á lífshlaupi hans.
l
Veistu svarið?
Elton John hefur slegið mörg met á tónlistarsviðinu,
hlotið öll þau verðlaun sem hægt er að fá og trónir
á toppnum sem sá tónlistarmaður sem selt hefur
flestar plötur á ferlinum. Hann á einnig söluhæstu
smáskífu allra tíma í Bretlandi. Hvaða lag er það?
Candle in the Wind, 1997-útgáfan sem var tileinkuð Díönu prinsessu.
30
Myndir mánaðarins
Jamie Bell leikur textahöfundinn Bernie Taupin en samstarf þeirra
Eltons hófst árið 1967 þegar Elton var tvítugur og Bernie 17 ára.