After
Ekkert verður aftur eins og áður
Tessa er ung og ábyrg stúlka sem er nýbyrjuð í framhaldsskóla
fjarri heimaslóðunum. Skömmu eftir að hafa komið sér fyrir
á heimavistinni hittir hún Hardin Scott sem við fyrstu kynni
virðist vera einn af þeim strákum sem Tessa ætti að halda sig
fjarri. En þrátt fyrir framkomu hans er eitthvað við hann sem
heillar Tessu og í gang fer atburðarás með afar óvæntri fléttu.
After er byggð á samnefndri fyrstu bók rithöfundarins Önnu Todd
sem skrifaði hana á sögusíðunni Wattpad.com á árinu 2013. Sagan,
sem er svokölluð „fanfiction“, sótti innblásturinn í tónlist og texta
hljómsveitarinnar One Direction og varð á skömmum tíma gríðar-
lega vinsæl, svo vinsæl að hún kom út í prentuðu formi árið 2014
og varð fljótlega að metsölubók. Þetta er ástríðuþrungin saga um
fyrstu ástina og hafa margir líkt efni hennar við nokkurs konar ungl-
ingaútgáfu af 50 gráum skuggum. Eins og með Christian Grey í þeirri
sögu reynist Hardin Scott ekki allur þar sem hann er séður, en hvort
það boðar gott eða slæmt látum við áhorfendum eftir að uppgötva ...
After
Rómantík / Drama
Ástralska leikkonan Josephine Langford sem leikur Tessu á ekki
langan leikferil að baki en margir spá því að hún verði stórstjarna í
framtíðinni. Þess má geta að hún er yngri systir Katherine Langford
sem er einna þekktust fyrir að leika Hönnuh Baker í 13 Reasons Why
og leikur m.a. einnig eitt aukahlutverkið í Avengers: Endgame.
95
mín
Aðalhlutverk: Josephine Langford, Hero Fiennes Tiffin, Shane Paul
McGhie, Samuel Larsen, Khadijha Red Thunder, Swen Temmel, Peter
Gallagher, Selma Blair og Jennifer Beals Leikstjórn: Jenny Gage
Bíó: Sambíóin Álfabakka, Kringlunni, Egilshöll, Akureyri og Keflavík,
Selfossbíó, Eyjabíó og Ísafjarðarbíó
Frumsýnd 17. maí
Veistu svarið?
Bandaríska leikkonan Jennifer Beals fer með
veigamikið hlutverk í After, en óhætt er að segja
að hún hafi slegið í gegn í sínu fyrsta aðalhlutverki
árið 1983, þ.e. sem dansarinn Alex Owens í kvik-
mynd eftir Adrian Lyne. Hvað heitir sú mynd?
Myndir mánaðarins
Þau Josephine Langford og Hero Fiennes Tiffin sem leika aðalhlut-
verkin í After eru bæði fædd 1997, hún í ágúst og hann í nóvember.
l
Breski leikarinn Hero Fiennes Tiffin leikur Hardin Scott, en Hero
hefur m.a. leikið í sjónvarpsþáttunum Cleaning Up og Safe og það
muna vafalaust margir eftir honum í hlutverki Toms Riddle í Harry
Potter and the Half-Blood Prince, en þá var Hero ellefu ára. Þess
má geta að hann er sonur leikstjórans og framleiðandans Mörthu
Fiennes og þar með systursonur Ralphs og Josephs Fiennes.
Flashdance.
24
Punktar ....................................................