Myndir mánaðarins MM Júní 2019 DVD VOD Tleikir | Page 8
Gullkorn
Tónninn sem Peter Bogdanovich
skapaði í þeirri mynd er fyrir
mér hinn heilagi kaleikur kvik-
myndagerðar, hvort sem er frá
sjónarhóli áhorfandans eða kvik-
myndagerðarmannsins.
- M. Night Shyamalan að tala um
myndina The Last Picture Show.
Rauði dregillinn. Æ, ég veit
það ekki ... og vil ekki hljóma
vanþakklátur ... en ég er bara
lítið fyrir að mæta á viðburði og
finnst óþægileg sú athygli sem
maður fær þannig. Konunni minni
finnst þetta líka og við reynum að
sleppa við svona hluti eins mikið
og við getum.
- James McAvoy, spurður hvað sé
það versta við að vera leikari.
Ef ég þyrfti að rétta einhverjum
einhverja eina mynd sem sannaði
að ég gæti leikið þá yrði það A
Time to Kill.
- Samuel L. Jackson.
Ef þú átt ekki barn þá veistu ekki
hvað skilyrðislaus ást er. Þú hefur
a.m.k. ekki upplifað hana.
- Regina King.
8
Myndir mánaðarins
Hvernig James Baldwin lýsti ástar-
sambandi Tish and Fonnys hafði
mikil áhrif á mig. Að fá að færa það
upp á tjaldið varð draumur minn.
- Barry Jenkins, að tala um mynd
sína If Beale Street Could Talk sem
er gerð eftir sögu James Baldwin.
Hin sígilda saga er baráttan á
milli þess góða og þess illa. En í
raunveruleikanum er baráttan
mun oftar á milli þess góða og
þess góða. Og það er alveg sama
hvor vinnur þá baráttu, við sitjum
alltaf eftir með sárt ennið.
- Asghar Farhadi.
Mín fyrsta áheyrnarprufa var fyrir
konuna sem varð svo umboðs-
maður minn og er það enn. Ég
var fjórtán ára. Hún útvegaði mér
hlutverkið í Jamon, Jamon. Ef
ég hefði ekki hitt hana þá hefði
enginn heyrt um mig í dag.
- Penélope Cruz, sem sló í gegn í
Jamon, Jamon, sínu fyrsta hlutverki.
Það eina sem ég kann og get gert
er að leika. Ég hef enga þekkingu
á neinu öðru.
- Javier Bardem.
Já, ég geri margt sem fólki finnst
óvenjulegt og skrítið. Ég elska t.d.
rauðrófur, bara einar sér. Ef ég fer
á salatbar þá klára ég fyrst allar
rauðrófurnar.
- Chris Pratt.
Það er alveg sama um hvað
efnið er og hvað verið er að tala
um. Ef John Oliver blandar sér í
umræðuna þá verður hún fyndin.
Hann er uppáhaldsgrínstinn
minn og hefur verið það lengi.
- Alison Brie.
Ef ég mætti velja þá vildi ég
fá hlutverk í mynd eftir Martin
Scorsese. Ég er tilbúinn að mála
húsið hans aukalega ef hann bara
ræður mig í vinnu.
- Jonah Hill, um uppáhaldsleik-
stjórann sinn.
Það var mikil áskorun að leika
Peter Parker. Hann er persóna
sem áhorfendur þekkja og búast
við að hagi sér á ákveðinn hátt
þannig að það var ekkert rými
fyrir mig til að skapa persónuna
sjálfur. En á sama tíma vill
leikari auðvitað eiga þátt í
persónusköpuninni þannig að
leikurinn verði ekki bara einhver
eftirherma. Já, þetta var erfitt.
- Andrew Garfield.
Ég reyni að taka hverjum degi af
æðruleysi og halda mig á jörðinni
á meðan þetta gengur yfir. En þér
að segja þá er ég alltaf að skapa
sögur í laumi og vonandi tekst
mér einhvern tíma að gera mína
eigin mynd. Það er draumurinn.
- Tom Holland, um framtíðina.
Þegar ég sótti um hlutverk í
Batman v Superman: Dawn of
Justice þá hafði ég ekki hugmynd
um að um væri að ræða hlutverk
Wonder Woman. Við vorum sex
eftir sem leikstjórinn var að skoða
og engin okkar vissi þetta.
- Gal Gadot, um það þegar hún
frétti að hún hefði verið valin til að
leika Wonder Woman.
Ef maður lítur yfir sviðið þá
er greinilegt að kynslóðin
sem í dag er á milli tvítugs og
þrítugs er ekki að geta af sér
jafnmargar kvikmyndastjörnur
og kynslóðirnar á undan þeim.
Eldri stjörnur eiga sviðið.
- Rupert Wyatt.
Babe er sú mynd sem ég sé mest
eftir að hafa ekki gert betur í.
Hins vegar small allt saman hjá
mér í The Big Lebowski.
- John Goodman, um eftirsjána.