Myndir mánaðarins MM Júní 2019 DVD VOD Tleikir | Page 21
Walking Out – Bubbi byggir
Þegar á reynir ...
David er 16 ára drengur og skilnaðarbarn sem hefur lítið kynnst föður
sínum, Cal, en hann býr á æskuslóðum sínum á hálendi Montana-ríkis. Dag
einn býður Cal honum að koma með sér í skotveiði uppi í fjöllunum, en sú
veiðiferð á eftir að snúast upp í baráttu þeirra beggja fyrir lífum sínum.
Walking Out þykir sérlega vel gerð og vel leikin mynd sem segja má að fjalli um
tvennt, annars vegar um samband föður og sonar og hins vegar um magnaða
baráttu þeirra við að halda lífi við erfiðar aðstæður. Upphaflega er ætlunin að veiða
elg en þegar Cal slasast illa á fjallinu snúast hlutverkin við og það kemur í hlut hins
óreynda sonar hans að koma þeim báðum til byggða áður en það er of seint ...
Punktar ..................................................................
HHHHH - Time Out HHHH 1/2 - L.A. Times HHHH 1/2 - Village Voice
HHHH 1/2 - The Wrap HHHH - Variety HHHH - Hollywood Reporter
HHH 1/2 - Observer HHH 1/2 - Rolling Stone HHH 1/2 - R.Ebert.com
Myndin er byggð á smásögu eftir
rithöfundinn og dýralífsfræðinginn
David Quammen sem m.a. er þekktur
fyrir skrif sín í National Geographic.
l
Myndin var að mestu tekin upp þar
sem hún gerist, þ.e. í fjalllendi Mont-
ana-ríkis, og fyrir utan allt annað þykir
kvikmyndatakan í henni fanga vel
ægifegurð fjallanna og dýralífsins þar.
l
95
VOD
mín
Aðalhlutverk: Matt Bomer, Josh Wiggins og Bill Pullman
Leikstjórn: Alex og Andrew Smith Útgef.: Myndform
Spenna/ævintýri
21. júní
Þetta er þriðja mynd ensku tví-
buranna Alex og Andrews Smith sem
bæði leikstýrðu henni og skrifuðu
handritið. Fyrri myndir þeirra eru The
Slaughter Rule og Winter in the Blood.
l
Josh Wiggins og Matt Boomer leika
feðgana David og Cal í Walking Out.
Bubbi byggir – Ný sería
Þættirnir um Bubba hafa komið út síðan 1998 og í þessari 20. þáttaröð
hefst hefur bæði hann sjálfur og allt hans umhverfi breytt um svip!
Þótt þessir nýju þættir um Bubba, sem hófu göngu sína á DVD og á sjónvarpsleig-
unum 11. apríl, séu með öðru sniði en áður og útlitið og umhverfið hafi breyst er
hjartað á sínum stað. Hér er um að ræða annan hluta seríunnar með þáttum 9 til
16 og við hvetjum að sjálfsögðu bæði gamla og nýja aðdáendur til að fylgjast með
frá byrjun og upplifa þau fjölmörgu verkefni sem Bubbi tekur sér fyrir hendur ...
Punktar ..................................................................
Þættirnir um Bubba byggi eru að sjálfsögðu vandlega talsettir á íslensku svo
þau yngstu fái notið þeirra sem best en þýðandi er Hildigunnur Þráinsdóttir. Þau
sem ljá persónunum raddir sínar eru Sigurbjartur Sturla Atlason, Aðalbjörn
Tryggvason, Þórhallur Sigurðsson (Laddi), Valdís Eiríksdóttir, Íris Hólm Jónsdóttir,
Bjarki Kristjánsson, Steinn Ármann Magnússon, Agla Bríet Einarsdóttir, Karl Páls-
son, Þórdís Björk Þorfinnsdóttir og Gunnar Ólason .
l
VOD
96
mín
Íslensk talsetning: Sjá leikara í punktum
Leikstjórn: Árni Ólason Útgefandi: Myndform
Barnaefni
21. júní
Myndir mánaðarins
21