Long Shot
Ólíklegt, en ekki ómögulegt
Fred Flarsky er góðum rithöfundarhæfileikum gæddur en
hefur samt átt í erfiðleikum með að festa sig í sessi í greininni,
aðallega vegna þess að hann á það til að missa stjórn á sér í
aðstæðum sem hann má ekki missa stjórn á sér í. Þegar honum
býðst að reyna sig við ræðuskrif fyrir forsetaframbjóðandann
Charlotte Field er það tækifæri sem hann má alls ekki klúðra!
Rómantíska gamanmyndin Long Shot er nýjasta mynd leikstjórans
Jonathans Levine sem á m.a. að baki myndirnar The Wackness, Warm
Bodies, 50/50 og The Night Before. Hér vinnur hann með handrit Liz
Hannah (The Post) og Dans Sterling (The Interview) og fjallar sagan
um blaðamanninn og greinahöfundinn Fred Flarsky (Seth Rogen)
sem þrátt fyrr að vera góðum rithæfileikum gæddur hefur strögglað
meira og minna allan sinn feril. Fred hefur lengi verið ástfanginn af
Charlotte Field (Charlize Theron), eða allt frá því að hún passaði hann
þegar hún var ung og hann enn yngri. Á milli þeirra var hins vegar,
og er auðvitað enn, sjö ára aldursmunur þannig að engar líkur voru
á því að sú ást skilaði miklu. Auk þess fetaði Charlotte framabrautir
í stjórnmálum sem hafa leitt til þess að hún er nú orðin vænlegur
kandídat til forsetaframboðs og inn í þá mynd mun Fred Flarsky
seint passa. Það er því frekar ólíklegt að leiðir hans og hennar eigi
eftir að liggja saman á ný. En það gerist nú samt þegar honum býðst
að skrifa framboðsræður Charlotte og upp úr því hefst skondin og
rómantísk atburðarás sem kemur á óvart, ekki síst þeim sjálfum ...
Long Shot
Gamanmynd / Rómantík
125
mín
Aðalhlutverk: Charlize Theron, Seth Rogen, O’Shea Jackson Jr., Ravi
Patel, Bob Odenkirk, June Diane Raphael, Andy Serkis, Alexander
Skarsgård, Lisa Kudrow og Randall Park Leikstjórn: Jonathan Levine
Bíó: Sambíóin Álfabakka, Kringlunni, Egilshöll, Keflavík og Akureyri,
Bíóhúsið Selfossi, Ísafjarðarbíó, Eyjabíó, Skjaldborgarbíó, Króksbíó og
Bíóhöllin Akranesi
Það kemur mörgum á óvart þegar Charlotte Field ræður Fred
Flarsky til að skrifa framboðsræður sínar, ekki síst nánasta sam-
starfsfólki hennar og Fred sjálfum. Ravi Patel, June Diane Raphael,
Seth Rogen og Charlize Theron í hlutverkum sínum í Long Shot.
Frumsýnd 19. júní
Punktar ....................................................
Þess má geta að í raun er sjö ára aldursmunur á þeim Charlize
Theron og Seth Rogen. Hún er fædd 1975 og hann 1982.
l
Veistu svarið?
Seth Rogen á 20 ára leikferilsafmæli um þessar
mundir en hann sló í gegn í sínu fyrsta hlutverki
í sjónvarpsþáttunum Freaks and Geaks árið
1999 þar sem hann lék Ken Miller. En hver var
fyrsta bíómyndin sem hann lék í?
Donnie Darko.
22
Myndir mánaðarins