Toy Story 4 – Leikfangasaga 4
Tilbúin í ferðalag?
Fjórða Toy Story-myndin verður frumsýnd 19. júní en níu ár eru
nú liðin síðan þriðja myndin var frumsýnd og 24 ár síðan fyrsta
myndin, sem var um leið fyrsta 100% tölvuteiknaða bíómynd
sögunnar, reyndist upphafið að þeirri sigurgöngu Pixar-fyrir-
tækisins sem enn stendur yfir og getið hefur af sér 21 af vinsæl-
ustu teiknimyndum síðastliðins aldarfjórðungs.
Í Toy Story 4 mæta að sjálfsögðu öll gömlu og góðu leikföngin til
leiks á ný með Vidda og Bósa ljósár í fararbroddi. Auk þess hafa
nokkur ný leikföng bæst í hópinn, þar á meðal plastgaffallinn Fork,
sem eigandi leikfanganna, Bonnie, bjó sjálf til og á eftir að verða
örlagavaldurinn í sögunni þegar hann týnist. Við það getur Viddi
ekki sætt sig og ákveður að finna Fork og koma honum heim á ný.
Í þeim björgunarleiðangri gerast svo vægast sagt stórbrotnir hlutir
sem eiga eftir að fá Vidda og vini hans til að endurmeta tilveru sína ...
Punktar ....................................................
Myndin verður sýnd í þrívídd og bæði með íslenskri talsetningu
og enskri auk þess sem nokkrar sýningar verða á henni með pólsku
talsetningunni. Í ensku útgáfunni eru það sem fyrr þeir Tom Hanks
og Tim Allen sem tala fyrir þá Vidda og Bósa og með önnur hlutverk
fara margir þekktir leikarar eins og Keanu Reeves, Jordan Peele, Joan
Cusack, Christina Hendricks, Patricia Arquette, Wallace Shawn, Tim-
othy Dalton, Keegan-Michael Key, Bonnie Hunt og Laurie Metcalf.
l
Þess má geta til gamans að þeir Tom Hanks og Tim Allen hafa látið
hafa eftir sér að lokaatriðin í Toy Story 4 séu einhver eftirminnileg-
ustu atriði sem þeir hafa leikið í. Tom lýsti þeim sem „sögulegum“.
l
Toy Story 4
Leikfangasaga 4
Teiknimynd
89
mín
Íslensk talsetning: Felix Bergsson, Magnús Jónsson, Sigrún Edda
Björnsdóttir, Björgvin Franz Gíslason, Tinna Hrafnsdóttir, Oddur
Júlíusson, Orri Huginn Ágústsson, Valdimar Flygenring, Þórunn
Arna Kristjánsdóttir, Hjálmar Hjálmarsson, Karl Ágúst Úlfsson og
fleiri Leikstjórn: Rósa Guðný Þórsdóttir Bíó: Sambíóin Álfabakka,
Kringlunni, Egilshöll, Keflavík og Akureyri, Háskólabíó, Laugarásbíó,
Bíóhúsið Selfossi, Ísafjarðarbíó, Eyjabíó, Skjaldborgarbíó, Króksbíó og
Bíóhöllin Akranesi
Frumsýnd 19. júní
20
Myndir mánaðarins