Bíófréttir – Væntanlegt
Robert Pattinson = Batman
Fyrri hluta maímánaðar gekk sá orðrómur
fjöllunum hærra að búið væri að ráða
Robert Pattinson til að leika Bruce Wayne/
Batman í næstu mynd sem gera á um
hann og verður í leikstjórn Matt Reeves
sem gerði m.a. myndirnar Cloverfield og
War for the Planet of the Apes. Samkvæmt
vefsíðunni wegotthiscovered.com hefur
nú verið staðfest að þetta er rétt og að
það verði í raun Robert sem muni leika
kappann í myndinni The Batman sem
áætlað er að verði frumsýnd sumarið 2021.
Ekkert hefur verið gefið upp um söguþráð myndarinnar en vitað
er að handritið, sem Matt Reeves skrifar sjálfur, sækir að einhverju
leyti söguhugmyndina í handritið sem Ben Affleck skrifaði fyrir
nokkrum árum, en eins og sumir muna kannski hafði Ben uppi
áætlanir um að leikstýra sinni eigin Batman-mynd með sjálfum sér
í aðalhlutverki. Af einhverjum ástæðum datt það upp fyrir, en þó
ekki það langt að hugmyndin hefur greinilega lifað af og verður
sem sagt eftir allt saman að bíómynd. Bíða menn nú spenntir eftir
að sjá hvaða aðrir leikarar fá hlutverk í myndinni en hún á að byrja
í tökum í nóvember og segir orðrómurinn að Batman muni í henni
glíma við marga af sínum helstu óvinum alla í einu. Við sjáum til.
Segir ekki orð
Leikstjórinn og handritshöfundurinn Christopher Nolan er í
uppáhaldi hjá mörgum og engin furða þar sem hann hefur að
margra mati gert nokkrar af bestu myndum síðastliðinna ára svo
sem Following, Memento, Batman-þríleikinn, The Prestige, Inception,
Interstellar og Dunkirk. Hafa þeir hinir sömu beðið spenntir eftir
að vita eitthvað um næstu mynd hans sem fyrir löngu er komin
í tökur enda hefur hún nú þegar fengið frumsýningardaginn 17.
júlí 2020. En það er sama hvað menn hafa spurt, hvorki Nolan né
nokkur af leikurum myndarinnar hafa látið uppi nokkuð það um
myndina sem að gagni kemur og eins og staðan er nú er það eitt
vitað að hún gerist í alþjóðlegum heimi njósna og er tekin upp í
sjö löndum. Tvennt nýtt er þó að frétta af þessari mynd og það
fyrra er að hún mun heita Tenet, hvað sem það annars þýðir. Hitt
er að fleiri leikarar hafa verið ráðnir og skipa nú aðalhlutverkin
þau Robert Pattinson, Elizabeth Debicki, Aaron Taylor-Johnson,
Kenneth Branagh, John David Washington og Michael Caine. En
því miður þurfum við sem sagt að bíða lengur eftir sögunni.
Skemmtileg sjálfa
Keppir Will Ferrell fyrir Ísland?
Eins og margir höfðu heyrt fyrir Söngvakeppni evrópskra sjón-
varpsstöðva hefur Will Ferrell verið að leika í myndinni Eurovison
í leikstjórn David Dobkin. Lítið fleira er vitað um þá mynd nema
hvað að á dögunum upplýsti Gísli Marteinn að Will hefði látið hafa
eftir sér að hann myndi leika söngvara í myndinni sem keppti fyrir
Ísland í söngvakeppninni ásamt íslenskri söngkonu sem Rachel
McAdams leikur. Þetta kitlar óneitanlegu íslensku þjóðarsálina og
ef satt er þá verður nú a.m.k. helmingi skemmtilegra að sjá þessa
mynd, ekki síst ef Will fer alla leið og fær nógu mörg stig til að sigra!
Við ljúkum þessum dálkum að þessu sinni með þessari skemmti-
legu mynd Elle Fanning sem hún tók af sjálfri sér og Angelinu
Jolie á tökustað myndarinnar Maleficent: Mistress of Evil, en hún er
eins og nafnið bendir til framhald Disney-myndarinnar Maleficent
sem þær léku í árið 2014. Þær eru báðar í sömu hlutverkum í nýju
myndinni, þ.e. Angelina í hlutverki hinnar illu og öfundsjúku
nornar Maleficent og Elle leikur prinsessuna Auroru sem er ein-
mitt ástæðan fyrir öfundsýki Maleficent. Nýja myndin verður
frumsýnd í október og ef eitthvað er að marka stikluna er um
að ræða stórkostlega ævintýramynd þar sem ekkert hefur verið
til sparað. Helgast það sjálfsagt af vinsældum fyrri myndarinnar
sem halaði inn tæplega milljarð dollara í kvikmyndahúsum. Með
önnur stór hlutverk fara m.a. Michelle Pfeiffer, Ed Skrein, Juno
Temple, Lesley Manville, Imelda Staunton og Harris Dickinson.
Myndir mánaðarins
13