Stuber
Spenntu beltið!
Stu er sérlega kurteis, hæglátur og vandvirkur maður sem er
einkar umhugað um að halda í fimm stjörnu-einkunnina sem
hann hefur aflað sér sem Uber-leigubílstjóri. Þegar lögreglu-
maðurinn Vic tekur bíl hans á leigu ógnar hann um leið öllu
því sem Stu er kærast og setur líf hans algjörlega úr skorðum.
Gamanmyndin Stuber eftir leikstjórann Michael Dowse kemur í
bíó 10. júlí og ætti að kæta alla sem kunna að meta léttar myndir
af þeirri tegund sem á ensku hafa verið kallaðar „buddy“-myndir.
Þar hittast oftar en ekki fyrir tveir gjörólíkir karakterar sem í fyrstu
virðast ekki eiga neitt sameiginlegt en eiga síðan eftir að ná saman
áður en yfir lýkur. Það eiga þeir Stu og Vic líka áreiðanlega eftir að
gera þrátt fyrir að samband þeirra byrji frekar illa þegar Vic dregur
Stu út í eltingarleik við stórhættulegan morðingja að nafni Teijo. Ef
það var eitthvað sem Stu vantaði ekki inn í líf sitt þá er það einmitt
brjálaður morðingi, enda ógnar Teijo ekki bara heilsu hans og lífi
heldur einnig vel bónaða bílnum og orðsporinu hjá Uber ...
Stuber
Gamanmynd / Hasar
Hinn vandvirki Uber-bílstjóri Stu veit vart hvaðan á sig stendur veðrið
þegar nýjasti kúnninn reynist vera lögreglumaðurinn Vic sem dregur
hann með sér út í eltingarleik við stórhættulegan morðingja.
105
mín
Aðalhlutverk: Kumail Nanjiani, Dave Bautista, Karen Gillan, Steve
Howey, Mira Sorvino, Iko Uwais, Natalie Morales og Jimmy Tatro
Leikstjórn: Michael Dowse Bíó: Smárabíó, Háskólabíó, Laugarásbíó,
Sambíóið Egilshöll og Borgarbíó Akureyri
Frumsýnd 10. júlí
Punktar ....................................................
Leikstjóri myndarinnar er Michael Dowse sem gerði m.a. Fubar-
myndirnar tvær (2002 og 2010), It’s All Gone Pete Tong (2004), Take
Me Home Tonight (2011), Goon (2011) og The F Word (2013), en allar
eiga þær það sameiginlegt að hafa hlotið mjög góða dóma.
l
Karen Gillan leikur annað aðalkvenhlutverkið í myndinni, lög-
reglufélaga Vics, en Karen og Dave Bautista ættu að þekkjast vel
eftir að hafa leikið saman í Guardians of the Galaxy-myndunum og
Avengers-myndunum Infinity War og Endgame þar sem Dave lék
Drax og Karen lék örlagavaldinn Nebulu, dóttur Thanosar.
l
Myndin gerist í Atlanta-borg í Georgíuríki og er óhætt að segja
að Stu lendi í vandræðum með að komast heill í gegnum daginn.
Veistu svarið?
Kumail Nanjiani hefur lengi notið vinsælda í Banda-
ríkjunum fyrir uppistandsgrín auk leiks í vinsælum
grínþáttum. Hann sló hins vegar í gegn alþjóðlega
þegar hann skrifaði og lék í gamanmynd sem aflaði
honum Óskarstilnefningar 2018. Hvaða mynd?
The Big Sick.
20
Myndir mánaðarins