Spider-Man: Far from Home
Veröldin hefur breyst
Skólaárið er á enda runnið og Peter Parker hlakkar til að fara
í sumarfrí sem m.a. inniheldur skólaferð til Evrópu, þ. á m. til
Feneyja og Lundúna. Til að byrja með vonast Peter til að geta
hvílt kóngulóarbúninginn í ferðinni en það á eftir að breytast
þegar Nick Fury birtist og fer fram á að hann aðstoði hinn
dularfulla Quentin Beck, öðru nafni Mysterio, við að berjast
á móti fjórum óvættum sem kallast Elementals og ráða yfir
náttúrukröftunum sem kenndir eru við jörð, vatn, eld og vind.
Það hlakka sjálfsagt margir aðdáendur Marvel-myndanna til að
sjá Far From Home, ekki bara vegna átaka Peters og Quentins við
frumkraftana fjóra, sem hafa verið hluti af sagnaheimi Marvel allt frá
árinu 1974 og tilheyra annarri vídd, heldur og vegna þess að látið
hefur verið að því liggja að myndin slái tóninn í nýrri stefnu sem
Marvel-sögurnar taka nú eftir að lykilpersónur úr fyrri sögunum eru
horfnar á braut. Hver sú stefna er vitum við hér á Myndum mánað-
arins ekki og bíðum eins og aðrir spennt eftir að sjá hvað gerist ...
Spider-Man: Far from Home
Ofurhetjur / Ævintýri
Það er Tom Holland sem leikur kóngulóarmanninn eins og hann
gerði í síðustu Spider-Man-mynd, Homecoming, í Avengers-mynd-
unum Infinity War og Endgame og í Captain America: Civil War.
129
mín
Aðalhlutverk: Tom Holland, Zendaya, Jake Gyllenhaal, Samuel L.
Jackson, Cobie Smulders, Jon Favreau, Marisa Tomei, Angourie Rice
og Jacob Batalon Leikstjórn: Jon Watts Bíó: Smárabíó, Háskólabíó,
Laugarásbíó, Sambíóin Álfabakka, Egilshöll og Keflavík, Borgarbíó,
Selfossbíó, Skjaldborgarbíó, Ísafjarðarbíó og Bíóhöllin Akranesi
Frumsýnd 3. júlí
Punktar ....................................................
Sagan í myndinni gerist eftir atburðina í Avengers: Endgame og er
það m.a. tekið fram í aðalstiklu hennar að bæði hún og svo að sjálf-
sögðu myndin sjálf innihaldi söguspilla fyrir þá sem hafa ekki enn
séð Endgame. Sjálfsagt eru þeir þó ekki margir sem eiga það eftir.
l
Leikstjóri myndarinnar, Jon Watts, leikstýrði einnig síðustu Spider-
Man-mynd, Homecoming, og handritshöfundarnir eru einnig þeir
sömu, þeir Erik Sommers og Chris McKenna.
l
Jake Gyllenhaal leikur hinn öfluga en dularfulla Quentin Beck sem
kallast einnig Mysterio eftir að hann er kominn í ofurbúninginn.
Veistu svarið?
Spider-Man: Far From Home er þriðja bíómyndin
sem fyrirsætan, dansarinn, rithöfundurinn, tónlistar-
konan og leikkonan Zendaya leikur í en hún lék eins
og kunnugt er einnig í Spider-Man: Homecoming. En
í hvaða mynd lék hún á milli þessara tveggja?
Þau Angourie Rice, Jacob Batalon og Zendaya leika þrjá af nánustu
vinum og skólafélögum Peters Parker, Betty, Ned og Michelle Jones.
The Greatest Showman.
Myndir mánaðarins
19