Myndir mánaðarins MM Janúar 2020 Bíóhluti | Page 34

Ævintýri á Norðurpólnum
Sprettur er heimskautarefur sem vinnur á pósthúsi á Norður-
pólnum og dreymir um að verða sjálfur sendill en það er starf
sem aðeins sterkustu husky-hundarnir eru taldir hæfir til að
gegna. En Sprettur er ákveðinn í að sanna hvað hann getur og
grunar auðvitað ekki að loksins þegar tækifærið kemur bíði
hans annað og mun erfiðara verkefni en hundar gætu höndlað!
Heimskautahundar er eftir kanadíska leikstjórann Aaron Woodley
sem sendi síðast frá sér teiknimyndina um geimapann Spark en
á líka að baki leiknar myndir eins og Tennessee og The Entitled.
Myndin er fyrst og fremst ætluð yngsta hópi bíógesta sem kunna
að meta endalaust fjörið sem rebbar eins og Sprettur geta skapað.
Eftir að hafa komið sínum fyrsta pakka til skila uppgötvar Sprettur
að hinn voldugi rostungur Ottó er farinn af stað með áætlun um að
bræða allan ísinn á Norðurpólnum svo hann geti orðið einráður. Við
það verður ekki unað og sem betur fer á Sprettur marga góða vini
sem hann fær nú í lið með sér til að stöðva Ottó áður en illa fer ...
Heimskautahundar
Teiknimynd
92
mín
Íslensk talsetning: Rúnar Freyr Gíslason, Stefanía Svavarsdóttir,
Þórhallur Sigurðsson (Laddi), Steinn Ármann Magnússon, Orri Huginn
Ágústsson, Hanna María Karlsdóttir, Íris Hólm Jónsdóttir, Álfrún Helga
Örnólfsdóttir, Ari Freyr Ísfeld, Karl Örvarsson, Benedikt Óli Árnason og
Agnes Fjeldsted Þýðing: Haraldur Jóhannsson Leikstjórn: Árni Ólason
Bíó: Sambíóin Álfabakka, Kringlunni, Egilshöll, Akureyri og Keflavík
Frumsýnd 24. janúar
34
Myndir mánaðarins