Myndir mánaðarins MM Janúar 2020 Bíóhluti | Page 24
Gullregn
Talað við blómin
Indíana Jónsdóttir býr í blokkaríbúð og lifir á bótakerfinu
þótt það sé í raun ekkert að henni. Flestir nágrannar hennar
eru innflytjendur sem hún fyrirlítur en Indíana sækir huggun
harmi gegn til bestu vinkonu sinnar, Jóhönnu, og í lítinn garð-
skika við blokkina þar sem hún hefur ræktað upp verðlaunað
gullregn. Þegar sonur Indíönu, Unnar, kynnir hana dag einn
fyrir nýrri unnustu sem er erlend að uppruna og maður frá
umhverfisráðuneytinu bankar upp á til að tilkynna henni að
fjarlægja þurfi gullregnið fer veröld hennar algerlega á hvolf.
Gullregn er eftir leikstjórann, handritshöfundinn og margfalda Eddu-
verðlaunahafann Ragnar Bragason sem á m.a að baki bíómyndirnar
Börn, Foreldra, Bjarnfreðarson og Málmhaus, sjónvarpsseríurnar
Heimsendi, Nætur-, Dag- og Fangavaktina og nú síðast hina frábæru
sjónvarpsþætti Fanga, sem sýndir voru á RÚV fyrir tveimur árum.
Myndin er byggð á samnefndu leikriti Ragnars sem sýnt var í
Borgarleikhúsinu við miklar vinsældir leikárið 2012–2013 og færði
honum m.a. íslensku sviðslistarverðlaunin, Grímuna, fyrir leik-
stjórnina. Þetta er grátbrosleg mynd um persónur sem flestir kann-
ast við úr raunveruleikanum og viljum við að sjálfsögðu hvetja allt
íslenskt kvikmyndaáhugafólk til að láta hana ekki fram hjá sér fara.
Gullregn
Gamandrama
100
mín
Aðalhlutverk: Sigrún Edda Björnsdóttir, Halldóra Geirharðsdóttir,
Karolina Gruszka, Hallgrímur Ólafsson, Sveinn Ólafur Gunnarsson,
Jón Gnarr, Halldór Gylfason, Eggert Þorleifsson og Margrét Helga
Jóhannsdóttir Leikstjórn: Ragnar Bragason Bíó: Smárabíó,
Háskólabíó, Laugarásbíó og Borgarbíó Akureyri
Með hlutverk „kerfisfræðingsins“ Indíönu Jónsdóttur fer Sigrún
Edda Björnsdóttir, en hún lék hana einnig í leikritinu sem sýnt
var í Borgarleikhúsinu leikárið 2012–2013 við miklar vinsældir.
Frumsýnd 10. janúar
Punktar ....................................................
Auk Sigrúnar Eddu Björnsdóttur, Hallgríms Ólafssonar og Hall-
dóru Geirharðsdóttur snúa flestir aðrir sem léku í leikritinu aftur í
myndinni fyrir utan Brynhildi Guðjónsdóttur sem lék unnustuna
Daniellu. Við hlutverki hennar tekur hér pólska stórleikkonan Karo-
lina Gruszka, en hún fór m.a. með veigamikið hlutverk í síðustu
mynd Davids Lynch, Inland Empire, og titilhlutverkið í verðlauna-
mynd Marie Noëlle, Marie Curie: The Courage of Knowledge.
l
Hallgrímur Ólafsson leikur einkason Indíönu, Unnar.
Veistu svarið?
Eins og fram kemur hér í kynningunni hefur Ragnar
Bragason gert nokkrar bestu og vinsælustu bíómynd-
ir og sjónvarpsþætti íslenskrar kvikmyndasögu. Ein
bíómynd er þó ótalin hér á síðunni og það er sú fyrsta
sem hann sendi frá sér árið 2000. Hvað heitir hún?
Eins og í leikritinu er það Halldóra Geirharðsdóttir sem leikur
Jóhönnu, bestu vinkonu Indíönu, sem kíkir mjög oft í heimsókn.
Fíaskó.
24
Myndir mánaðarins