Myndir mánaðarins MM Janúar 2019 Bíóhluti | Page 32
The Mule
Enginn flýr að eilífu
The Mule er nýjasta mynd Clints Eastwood sem jafnframt leikur aðal-
hlutverkið, garðyrkjufræðinginn Earl Stone sem vegna fjárhagsvand-
ræða tók upp á því á gamals aldri að smygla eiturlyfjum fyrir mexí-
kóskan eiturlyfjahring frá landamærum Bandaríkjanna og Mexíkó til
Michigan og Arizona þar sem hann kom þeim í hendur dreifenda.
Sagan er byggð á sönnum atburðum og sækir efniviðinn í grein Sams
Dolnick sem nefnist The Sinaloa Cartel’s 90-Year Old Drug Mule og birtist í
The New York Times fyrir nokkrum árum. Þar sagði frá hinum níræða Leo
Sharp (sem í myndinni er látinn heita Earl Stone) sem var handtekinn árið
2011 með hátt í 100 kíló af kókaíni í bíl sínum eftir að aksturslag hans
hafði vakið athygli lögreglumanns. Í ljós kom að Leo hafði um tíu ára skeið
stundað stórfellt kókaínsmygl beint fyrir framan nefið á landamæraeftir-
litinu án þess að vekja nokkurn grun. Vakti málið að vonum athygli enda
er Leo sennilega elsti maður sem handtekinn hefur verið sem burðardýr
auk þess sem hann var nokkuð þekktur innan garðyrkjusamfélagsins í
Bandaríkjunum, sérstaklega fyrir ræktun sína á liljum í ýmsum nýjum lita-
afbrigðum og er eitt þeirra meira að segja nefnt í höfuðið á honum.
Það er Nick Schenk sem skrifar handritið en hann skrifaði m.a. handrit
hinnar góðu myndar The Judge og myndarinnar Gran Torino sem Clint leik-
stýrði einmitt 2008 með sjálfum sér í aðalhlutverki. Með helsta hlutverk á
móti honum í The Mule fer Bradley Cooper og er þetta í annað sinn sem
þeir tveir vinna saman því eins og menn muna lék Bradley aðalhlutverkið
í mynd Clints, American Sniper, sem var frumsýnd árið 2014. Með önnur
stór hlutverk í myndinni fara svo þau Taissa Farmiga, Michael Peña, Andy
Garcia, Laurence Fishburne, Dianne Wiest og dóttir Clints, Alison Eastwood.
The Mule
Sannsögulegt
116
mín
Aðalhlutverk: Clint Eastwood, Bradley Cooper, Taissa Farmiga,
Michael Peña, Alison Eastwood, Andy Garcia, Laurence Fishburne og
Dianne Wiest Leikstjórn: Clint Eastwood Bíó: Sambíóin Álfabakka,
Kringlunni, Egilshöll, Akureyri og Keflavík, Ísafjarðarbíó, Eyjabíó,
Bíóhúsið Selfossi, Bíóhöllin Akranesi, Króksbíó og Skjaldborgarbíó
Frumsýnd 25. janúar
Clint Eastwood leikur Earl Stone sem á gamals aldri ákvað að
gerast eiturlyfjasmyglari fyrir mexíkóskan eiturlyfjahring.
Punktar ....................................................
Þótt myndin sé að grunni til byggð á sögu Leos Sharp tók hand-
ritshöfundurinn sér nokkurt skáldaleyfi við ritun þess í þágu kvik-
myndalistarinnar. Hins vegar geta áhugasamir einnig kynnst hin-
um kostulega og raunverulega Leo Sharp á netinu, m.a. á YouTube.
l
Earl Stone var garðyrkjufræðingur að mennt sem naut
bæði frægðar og hylli fyrir einstaka ræktun sína á liljum.
Veistu svarið?
Clint Eastwood er fæddur 31. maí 1930 og verður því
89 ára á næsta ári. Um leið verða 64 ár liðin frá því hann
steig sín fyrstu spor í leiklistinni en segja má að hann
hafi fyrst vakið athygli sem Rowdy Yates í frægum
sjónvarpsþáttum árið 1959. Hvaða þáttum?
Bradley Cooper leikur lögreglumanninn Colin Bates sem rann-
sakaði athæfi Earls eftir að hann hafði verið handtekinn.
Rawhide.
32
Myndir mánaðarins