Myndir mánaðarins MM Janúar 2019 Bíóhluti | Page 26
Glass
Sýndu hvað þú getur
Eftir að Beast, 24. persónan, sem býr innra með Kevin Wendell
Crumb og ræður yfir ofurhraða og ofurkröftum, tekur stjórn á
líkama hans kemur til kasta Davids Dunn að stöðva hann fyrir
fullt og allt. Það á hins vegar eftir að reynast hægara sagt en
gert, ekki síst vegna afskipta Elijah Price, öðru nafni hr. Glass.
Það varð nokkuð ljóst í lok myndarinnar Split fyrir tveimur árum
að við mættum eiga von á framhaldsmynd þar sem leikstjórinn M.
Night Shyamalan myndi etja saman aðalpersónunni úr Split, Kevin
Wendell Crumb (og hans innri karakterum) og aðalpersónunum úr
Unbreakable frá árinu 2000, ofurmenninu David Dunn og hinum
brothætta glæpamanni Elijah Price (herra Glass), og ljúka um leið
trílógíu sem nefnd hefur verið Eastrail 177 eða The Unbreakable-
serían. Shyamalan gaf það reyndar fljótlega út að myndin yrði
frumsýnd um miðjan janúar 2018 en þurfti áður en hann gat hafist
handa við gerð hennar að fá kvikmyndafyrirtækin Buena Vista Intl.
sem er í eigu Disney og Universal Pictures til að gefa grænt ljós
á samstarf því það fyrrnefnda átti réttinn að Unbreakable en það
síðarnefnda að Split. Það tókst og er það í fyrsta sinn sem þessi
risafyrirtæki vinna saman að gerð myndar. Síðan hafa margir beðið
spenntir eftir útkomunni enda má alveg búast við að sagan í Glass,
sem að mestu hefur verið haldið leyndri og því ekki hægt að fara
nánar út í, eigi eftir að koma kvikmyndahúsagestum í opna skjöldu.
Glass
Tryllir
Aldurstakmark óákveðið fyrir prentun
128
mín
Aðalhlutverk: Bruce Willis, James McAvoy, Samuel L. Jackson,
Anya Taylor-Joy, Sarah Paulson, Luke Kirby og Spencer Treat Clark
Leikstjórn: M. Night Shyamalan Bíó: Sambíóin Álfabakka, Kringlunni,
Egilshöll, Akureyri og Keflavík, Smárabíó, Ísafjarðarbíó, Eyjabíó,
Bíóhúsið Selfossi, Bíóhöllin Akranesi, Króksbíó og Skjaldborgarbíó
Frumsýnd 18. janúar
Samuel L. Jackson, James McAvoy og Bruce Willis í hlutverkum sínum
í Glass sem þeir Elijah Price, Kevin Wendell Crumb og David Dunn.
Punktar ....................................................
Glass er þrettánda bíómyndin sem M. Night Shyamalan leikstýrir
og eins og oft áður í myndum sínum leikur hann sjálfur smáhlut-
verk í henni, persónuna Jay sem kom reyndar líka fram í Split.
l
Sú beiðni fylgir myndinni að þeir sem sjá hana segi ekki væntan-
legum áhorfendum frá söguþræðinum, síst af öllu frá endinum.
l
Veistu svarið?
Áður en þeir í Bruce Willis og Samuel L. Jackson
léku hvor á móti öðrum í Die Hard with a Venge-
ance árið 1995 og Unbreakable árið 2000 höfðu
þeir leikið í frægri mynd árið 1994 sem reyndist
margföld verðlaunamynd. Hvaða mynd var það?
Anya Taylor-Joy snýr aftur í hlutverki þeirrar sömu og hún lék í Split,
Casey Cooke, en við látum þess ógetið hvað hún gerir í þetta sinn.
Pulp Fiction.
26
Myndir mánaðarins