Myndir mánaðarins MM Febrúar 2019 Bíóhluti | Page 6
Bíófréttir – Væntanlegt
Slær Captain Marvel metið?
BAFTA- og Óskarsverðlaunin framundan
Febrúar er runninn upp eins og hann gerir iðulega á þessum árs-
tíma og honum fylgja ýmsar venjubundnar kvikmyndakrásir, svo
sem bresku BAFTA-verðlaunin sem afhent verða 10. febrúar og svo
aðalverðlaun ársins í kvikmyndabransanum, sjálf Óskarsverðlaunin,
sem verða afhent í Dolby-leikhúsinu í Hollywood sunnudaginn
24. febrúar ... sem þýðir reyndar aðfaranótt 25. febrúar fyrir okkur
Íslendinga þar sem við erum nokkrum klukkustundum á undan
þeim þarna í Hollywood. Þar sem við höfum ekki mikið pláss hér
á þessum upphafssíðum blaðsins að þessu sinni og ítarlega hefur
verið, og verður, fjallað um báðar þessar verðlaunahátíðir og til-
nefningarnar til verðlaunanna í öðrum miðlum látum við nægja
að benda á að nokkrar þeirra mynda sem tilnefndar eru verða á
dagskrá kvikmyndahúsanna í mánuðinum, nokkrar þeirra verða
gefnar út á sjónvarpsleigunum eins og sjá má hinum megin í blað-
inu og nokkrar eru meira að segja þegar komnar út.
Tom Hardy snýr aftur sem Venom
Sony-kvikmyndarisinn lét þau boð út ganga á dögunum að
ákveðið hefði verið að gera nýja Venom-mynd og kom sú frétt
fáum á óvart þar sem fyrsta myndin sem frumsýnd var síðastliðið
haust varð feikivinsæl og halaði inn rúmlega 855 milljónir dollara í
kvikmyndahúsum heimsins. Tom Hardy hefur verið ráðinn á ný til
að leika þessa sérstöku ofurhetju á sinn
sérstaka hátt og Kelly Marcel hefur verið
ráðin til að skrifa söguna og fyrstu drög
handritsins, eins og hún gerði í fyrri
myndinni, en Kelly var jafnframt ein af
aðalframleiðendum myndarinnar og
verður það væntanlega á ný. Við vitum
að sjálfsögðu ekki um hvað sagan
verður nákvæmlega né hvenær myndin
á að vera tilbúin en giskum á að stefnt
sé að frumsýningu í september 2021.
6
Myndir mánaðarins
Það bíða margir spenntir eftir næstu Marvel-mynd, Captain
Marvel, sem verður frumsýnd 8. mars og er um leið 21. myndin
í hinum sameinaða ofurhetjuheimi Marvel. Þá erum við ekki
bara að tala um fjölmarga aðdáendur myndaflokksins heldur og
aðstandendur myndarinnar sem vonast ekki bara eftir að hún
verði vinsæl heldur að hún nái alla leið inn á topp 5-listann yfir
vinsælustu myndirnar í seríunni hingað til, en þar sitja nú fyrir
Avengers-myndirnar þrjár ásamt myndunum Black Panther og
Iron Man 3. Um upprunasögu er að ræða, þ.e. söguna um hvernig
orrustuflugmaðurinn Carol Danvers varð að Captain Marvel, og
er ekki seinna vænna að kynna sér það því hún mun væntanlega
verða ein aðalhetjan í næstu Avengers-mynd, Endgame, sem
frumsýna á í lok apríl. Við hér á Myndum mánaðarins vitum ekki
nákvæmlega hvar í tímaröð Marvel-sagnanna Captain Marvel er
en þó er ljóst að hún gerist fyrir löngu eins og komið hefur fram
í stiklunum þar sem Samuel L. Jackson, sem leikur Nick Fury, er
yngdur hressilega upp með nýjustu tækni, a.m.k. um þrjátíu ár.
Við skoðum málið að sjálfsögðu betur í næsta blaði, marsblaðinu.
Tvær myndir í einu
Leikstjórinn, handritshöfundurinn og Óskarsverðlaunahafinn
Christopher McQuarrie sem gerði síðustu tvær Mission Impossible-
myndir, Rogue Nation og Fallout, landaði fyrir skömmu samningi
við Paramount-kvikmyndaverið um að gera einnig tvær næstu
myndir seríunnar og ekki nóg með það heldur mun hann gera
þær á sama tíma, eða „Back-to-Back“ eins og slík vinnubrögð eru
kölluð í Hollywood og voru síðast viðhöfð við gerð Avengers-
myndanna Infinity War og Endgame. Um leið hefur Tom Cruise
auðvitað tilkynnt að hann snúi aftur sem hinn ódrepandi Ethan
Hunt og búið er að ákveða að fyrri myndin verði frumsýnd
sumarið 2021 og sú seinni sumarið 2022. Þetta eru auðvitað fínar
fréttir fyrir aðdáendur Toms og Mission Impossible-myndanna, en
jafnframt valda þær áhyggjum því hvernig í ósköpunum ætla þeir
Christopher og Tom að fara að því að toppa hasarinn í Fallout? Við
segjum þetta auðvitað í gríni enda engin ástæða til að ætla annað
en að þeir félagar, og allir aðrir sem komið hafa að gerð þessara
mynda, ráði við þetta nýja verkefni, og það með miklum glans!