Myndir mánaðarins MM Febrúar 2019 Bíóhluti | Page 21
Cold Pursuit
Hin fullkomna hefnd
Nels Coxman er heiðursborgari smábæjarins Kehoe í Kletta-
fjöllum og hefur um árabil þjónað bæði bæjarbúum og öðrum
vegfarendum með því að halda vegum opnum með öflugum
snjóruðningstækjum sem hann ræður yfir. Þegar lögreglan til-
kynnir honum að sonur hans hafi fundist látinn breytist allt.
Cold Pursuit er eftir norska leikstjórann Hans Petter Moland en hún
er endurgerð hans eigin myndar, Kraftidioten, sem var frumsýnd árið
2014 og vakti mikla lukku, enda þrælgóð mynd í alla staði.
Liam Neeson fetar hér í fótspor Stellans Skarsgård í þeirri mynd
og leikur heiðursborgara smábæjarins Kehoe, Nels Coxman, sem
vinnur við að hreinsa snjó af vegum bæjarins og nágrennis hans
með öflugustu snjóruðningstækjum sem völ er á. Þegar sonur hans
finnst látinn sannfærist Nels um að eiturlyfjakóngur einn á svæðinu
beri ábyrgð á dauða hans og sver þess eið að koma fram hefndum,
ekki bara gagnvart honum heldur öllu hans gengi. Málið reynist
þó talsvert flóknara en Nels gerði ráð fyrir (þótt það væri nú þegar
frekar flókið) þegar inn í það blandast mun erfiðari og hættulegri
andstæðingar en þeir sem hann hélt að hann ætti í höggi við ...
Cold Pursuit
Spenna / Hasar
118
mín
Aðalhlutverk: Liam Neeson, Emmy Rossum, Laura Dern, Tom Bate-
man, Tom Jackson, Julia Jones og William Forsythe Leikstjórn: Hans
Petter Moland Bíó: Laugarásbíó, Smárabíó og Borgarbíó Akureyri
Frumsýnd 8. febrúar
Liam Neeson leikur snjóruðningsmanninn og heiðursborgarann
Nels Coxman sem ákveður að ganga á milli bols og höfuðs á
glæpagenginu sem hann telur bera ábyrgð á dauða sonar hans.
Punktar ....................................................
Fyrir utan leikstjórann Hans Petter Moland koma margir þeirra
sem unnu að Kraftidioten að gerð Cold Pursuit og má þar nefna
kvikmyndatökumanninn Philip Øgaard, klipparann Nicolaj Mon-
berg, sviðshönnuðinn Jørgen Stangebye Larsen og búningahönn-
uðinn Anne Pedersen. Þess má geta að þótt grunnsagan sé sú sama
og í Kraftidioten hefur atburðarásinni verið breytt talsvert þannig
að hún mun jafnvel koma þeim sem sáu frummyndina á óvart.
l
Tom Bateman leikur glæpaforingjann Viking sem Nels er nokkuð
viss um að muni ekki snúa frá villu síns vegar upp á eigin spýtur.
Veistu svarið?
Liam Neeson, sem fagnar 67 ára afmæli sínu í júní,
er eins og áður hlaðinn verkefnum og mun næst
birtast á hvíta tjaldinu í aukahlutverki í fjórðu Men
in Black-myndinni sem verður einmitt frumsýnd 14.
júní. En hver fer með aðalkarlhlutverkið í henni?
Nels Coxman er ekki á því að sýna andstæðingum sínum miskunn.
Chris Hemsworth.
Myndir mánaðarins
21