Myndir mánaðarins MM Febrúar 2019 Bíóhluti | Page 18

Arctic
Að lifa eða deyja
Eftir að hafa nauðlent vél sinni á Norðurskautinu og beðið
björgunar um talsverða hríð verður flugmanninum Overgård
ljóst að hans og ungrar, slasaðrar konu sem hann hefur hjúkrað
bíður ekkert annað en að veslast upp í frosinni eyðimörkinni
takist honum ekki að koma þeim til byggða upp á eigin spýtur.
Arctic er gríðarlega vel gerð og áhrifarík mynd sem hefur verið lofuð
fyrir einstakt raunsæi og magnaðan leik hins margverðlaunaða
danska leikara Mads Mikkelsen í aðalhlutverkinu. Myndin, sem er
bandarískt-íslenskt samvinnuverkefni og var tekin upp á Íslandi,
verður frumsýnd 8. febrúar og á örugglega eftir að verða ein helsta
bíóupplifun ársins 2019 fyrir þá kvikmyndaunnendur sem kunna
að meta hið sígilda þema um viljann til að lifa. Þess utan inniheldur
hún mörg æsispennandi atriði og sögulok sem koma á óvart ...
Arctic
Mads Mikkelsen leikur Overgård sem verður strandaglópur norðan
við heimskautsbaug eftir að hafa nauðlent vél sinni í auðninni.
Drama
97
mín
Punktar ....................................................
Leikstjóri Arctic er Brasilíumaðurinn Joe Penna sem fyrir utan að
eiga að baki nokkrar góðar stuttmyndir stóð fyrir YouTube-rásinni
MysteryGuitarMan þar sem hann sankaði að sér meira en þremur
milljónum áskrifenda með stórskemmtilegum myndböndum.
l
Aðalhlutverk: Mads Mikkelsen og María Thelma Smáradóttir
Leikstjórn: Joe Penna Bíó: Sambíóin Kringlunni, Egilshöll, Akureyri
og Keflavík
Frumsýnd 8. febrúar
Fyrir utan Maríu Thelmu Smáradóttur sem leikur slösuðu konuna
sem Overgård hjúkrar kom fjöldi Íslendinga að gerð myndarinnar, þ.
á m. Tómas Örn Tómasson sem stjórnaði kvikmyndatöku, Atli Geir
Grétarsson sem gerði leikmynd, Margrét Einarsdóttir sem sá um bún-
inga og Ragna Fossberg sem sá um förðun. Þá eru bara nokkrir upp-
taldir af þeim Íslendingum sem unnu að myndinni en ítarlegri lista yfir
aðstandendur geta áhugasamir að sjálfsögðu nálgast á netinu.
l
Arctic var tekin upp á Íslandi, að stærstu leyti við Nesjavelli og
í nágrenni Fellsendavatns sem er skammt sunnan við Þórisvatn.
Veistu svarið?
Leikkonan og ljóðskáldið María Thelma Smáradótt-
ir er fædd og uppalin á Íslandi en er tælensk í móð-
urættina. Hún útskrifaðist frá Leiklistarskóla Íslands
17. júní 2016 og ætti a.m.k. að vera mörgum kunn
sem sáu þáttaröðina Fangar. Hverja lék hún þar?
María Thelma Smáradóttir fer með annað aðalhlutverkið í Arctic og
var þessi ljósmynd af henni tekin á kvikmyndahátíðinni í Cannes
2018 þar sem Arctic var fyrst sýnd við frábærar viðtökur áhorfenda.
Írisi.
18
Myndir mánaðarins