Myndir mánaðarins MM Desember 2019 Bíóhluti | Page 22

Star Wars: The Rise of Skywalker
Sögunni lýkur
Níunda og síðasta myndin í Star Wars-seríunni sem hleypt var
af stokkunum árið 1977, eða fyrir 42 árum, verður frumsýnd
19. desember en hún gerist um ári eftir atburðina í síðustu
mynd, The Last Jedi. Er komið að endalokum andspyrnunnar
eða munu þau Rey, Finn og Poe finna leið sem snýr taflinu við?
Eins og venja hefur verið að undanförnu með framhaldsmyndir þá
hefur lítið fleira verið gefið upp um söguþráð The Rise of Skywalker
annað en það sem kemur fram hér fyrir ofan og svo það sem ráða
má af stiklunum. Því síður er vitað hver verður endirinn á þessu
mikla og langlífa ævintýri, en það má ætla að ýmislegt varðandi
hann muni koma áhorfendum á óvart. Allir leikarar og aðstand-
endur myndarinnar eru bundnir þagnareiði og um leið eru þeir
kvikmyndaunnendur sem sjá myndina með fyrra fallinu beðnir um
að segja ekki öðrum sem eiga eftir að sjá hana frá sögulokunum.
Star Wars: The Rise of Skywalker
Sem fyrr mun mest mæða á þeim Finn, Rey og Poe í þeirri lokaorr-
ustu sem framundan er og þeir Chewbacca og C-3PO sem sjást
þarna í bakgrunni munu að sjálfsögðu ekki liggja á sínu liði.
Ævintýri
155
mín
Aðalhlutverk: Daisy Ridley, John Boyega, Oscar Isaac, Andy Serkis,
Lupita Nyong’o, Mark Hamill, Adam Driver, Domhnall Gleeson, Kelly
Marie Tran, Billie Lourd, Naomi Ackie o.fl. Leikstjórn: J.J. Abrams
Bíó: Sambíóin Álfabakka, Egilshöll, Kringlunni, Akureyri og Keflavík,
Smárabíó, Laugarásbíó, Ísafjarðarbíó, Bíóhúsið Selfossi, Eyjabíó,
Bíóhöllin Akranesi, Skjaldborgarbíó og Króksbíó
Frumsýnd 19. desember
Punktar ....................................................
Þótt Carrie Fisher hafi látist í desember 2016 leikur hún enn á ný
Leiu í The Rise of Skywalker. Um er að ræða ónotuð atriði úr The Force
Awakens og segir J.J. Abrams að handritshöfundar myndarinnar og
klipparar hafi fundið afar snjalla leið til að láta þau falla að sögunni.
l
Billy Dee Williams snýr aftur í þessari mynd sem Lando Calrissian,
36 árum eftir að hann lék hann síðast í Return of the Jedi árið 1983.
Hinn illi keisari Palpatine snýr einnig aftur í túlkun Ians McDiarmid
en hann sáum við síðast í Revenge of the Sith árið 2005.
l
Billie Lourd sem leikur Connix á ný í The Rise of Skywalker er eins og
flestir vita dóttir Carrie Fisher og er í myndinni á nákvæmlega sama
aldri og móðir hennar var þegar hún lék Leiu í A New Hope, 23 ára.
l
Veistu svarið?
Nú þegar Star Wars-ævintýrinu lýkur með þessari
níundu mynd seríunnar stendur m.a. eftir að
af öllum þeim aragrúa leikara sem leikið hafa í
myndunum er aðeins einn sem leikið hefur í þeim
öllum. Hvaða leikari er það?
Anthony Daniels, sem leikur C-3PO.
22
Myndir mánaðarins