Myndir mánaðarins MM Desember 2019 Bíóhluti | Page 16

Knives Out
Hver er morðinginn?
Í tilefni 85 ára afmælis síns ákveður rithöfundurinn Harlan
Thrombey að bjóða börnum sínum í heimsókn ásamt mökum
og barnabörnum, en þau hafa ekki hist öll í einu um árabil.
Þegar Harlan er svo myrtur daginn eftir afmælisveisluna er
lögreglumaðurinn Benoit Blanc fenginn til að rannsaka málið
og er fljótur að uppgötva að það er risastór maðkur í mysunni.
Hvað er skemmtilegra en að fara í bíó og sjá sérlega góða og vel
leikna morðgátu með þekktum toppleikurum í öllum hlutverkum
og margslunginni atburðarás sem býður upp á verulega óvænta
fléttu og úthugsaða blöndu af spennu og húmor? Svari hver fyrir
sig en það er alveg ljóst af umsögnum um Knives Out að hún býður
bíógestum upp á allt ofangreint og gott betur enda þykir hún
líkleg til að verma eitt af toppsætunum á aðsóknarlistum ársins.
85 ára afmælisveisla hins auðuga rithöfundar, Harlans Thrombey,
er sannkölluð gleðistund en gamanið á heldur betur eftir að kárna
morguninn eftir þegar hann finnst látinn í svefnherbergi sínu.
Knives Out
Morðgáta / Grásvört kómedía
Punktar ....................................................
130
mín
Aðalhlutverk: Daniel Craig, Chris Evans, Ana de Armas, Jamie Lee
Curtis, Michael Shannon, Don Johnson, Toni Collette, Katherine
Langford og Christopher Plummer Leikstjórn: Rian Johnson
Bíó: Laugarásbíó, Smárabíó, Háskólabíó og Borgarbíó Akureyri
Frumsýnd 29. nóvember
 - Telegraph  - Playlist  1/2 - IndieWire
 1/2 - H. Reporter  1/2 - Vanity Fair  - E.W.
 1/2 - R.Ebert  - Slate  - The Guardian
 - Variety  - Total Film  - The Verge
l Eins og sést hefur Knives Out hlotið frábæra dóma gagnrýnenda og
er með 84/100 í meðaleinkunn á Metacritic.com. Eru flestir á því að
hér sé um að ræða eina allra skemmtilegustu bíóupplifun ársins.
l Leikstjóri Knives Out, Rian Johnson sem skrifaði einnig handritið
og er einn af framleiðendunum, á m.a. að baki myndirnar Brick, The
Brothers Bloom og Looper auk þess sem hann leikstýrði og skrifaði
handritið að síðustu Star Wars-mynd: Episode VIII – The Last Jedi.
Chris Evans og Ana de Armas ræða hér við leikstjóra og handrits-
höfund Knives Out, Rian Johnson, fyrir tökur á einu atriðinu.
Veistu svarið?
Stjarna leikkonunnar Önu de Armas hefur risið
hátt á undanförnum árum í kjölfar mynda eins
og Knock, Knock, War Dogs, Blade Runner 2049 og
Yesterday og er nú svo komið að hún getur nánast
valið úr hlutverkum. En frá hvaða landi er hún?
Það má alveg bóka að rannsóknarlögreglumaðurinn Benoit Blanc
(Daniel Craig), sem hér er ásamt aðstoðarmönnum sínum Elliott og
Trooper (LaKeith Stanfield og Noah Segan), muni leysa morðgátuna.
Kúbu.
16
Myndir mánaðarins